.. နမော ဘဂ၀တော ၊ နမော အရဟတော၊ နမော သမ္မာသမ္ဗုဒ္ဓဿ..

Sunday, January 22, 2012

စီးပွါးဥစ္စာ ယိုပေါက်များ

လောက၌ စီးပွါးဥစ္စာ မတည်ကြောင်း အပေါက်တို့သည် ခြောက်ပါးတို့တည်း၊ 
                  ပျင်းရိခြင်းလည်းကောင်း၊ မေ့လျှော့ခြင်းလည်းကောင်း၊ ထကြွလုံ့လ မရှိခြင်းလည်းကောင်း၊
                  မစောင့်စည်းခြင်းလည်းကောင်း၊ အအိပ်ကြူးခြင်းလည်းကောင်း၊ အလုပ်၌ မမွေ့လျှော်ခြင်း
                  လည်းကောင်း၊ ဤသို့ ထိုခြောက်ပါးသော အပေါက်တို့ကို အချင်းခပ်သိမ်းပိတ်ဆို့ရာ၏။


                     အကြင်သူသည် ကဲ့ရဲ့သင့်သူကို ချီးမွမ်း၏၊
                     အကြင်သူသည်ကား ချီးမွမ်းသင့်သူကို ကဲ့ရဲ့၏။
                     ထိုသူသည် ပါးစပ်ဖြင့် အပြစ်ကို ဆည်းပူးသည်မည်၏။
                     ထိုအပြစ်ကြောင့် ချမ်းသာကို မရနိုင်။

Friday, January 20, 2012

မတူညီသော အမြင်

အကြင် အကြင် ကောင်းမှု မကောင်းမှုမှ စိတ်ကို တားဖြစ်ရာ၏။ ထိုထို ကောင်းမှု မကောင်းမှုကြောင့်
ဆင်းရဲသည် ထိုပုဂ္ဂိုလ်သို့ မရောက်။ ထိုပုဂ္ဂိုလ်သည် အလုံးစုံသော ကောင်းမှု မကောင်းမှုမှ စိတ်ကို
တားမြစ်ရာ၏။ ထိုပုဂ္ဂိုလ်သည် အလုံးစုံသော ဆင်းရဲမှ လွတ်၏ ( နတ်သား )

အလုံးစုံသော ကောင်းမှု မကောင်းမှုမှ စိတ်ကို မတားမြစ်ရာ၊ စောင့်စည်းခြင်းသို့ ရောက်သော စိတ်ကို
မတားမြစ်ရာ၊ အကြင် အကြင် သဘောမှ မကောင်းမှုစိတ်ဖြစ်၏၊ ထိုထို သဘောမှ (မကောင်းမှုမှ )
စိတ်ကို တားမြစ်ရာ။ ( မြတ်ဘုရား)

အားကိုးစရာများ

ခရီးတွင်ဘို့အတွက် မိမိ၏ ခြေထောက်ကို .. အားကိုးရမယ်..
အလုပ်တွင်ဘို့အတွက် မိမိ၏ လက်ကို .. အားကိုးရမယ်..
အမြင်ကျယ်ဘို့အတွက် မိမိ၏ မျက်လုံးကို .. အားကိုးရမယ်..
အသိဥာဏ် ရင့်ကျက်ဘို့ မိမိ၏ ( စိတ် )  ဥဏှောက်ကို .. အားကိုးရမယ်..
ကံ အကျိုးပေးခွင့်သာဘို့အတွက် မိမိ၏ ဥာဏ်နှင့်ဝီရိယကို .. အားကိုးရမယ်..

                                                              ကောင်းသစ်..

စကားပုံများ

                       မှတ်သားမိသော နိုင်ငံတကာ စကားများ
 
ပျားတစ်စက်ကြောင့် ပြည်ပျက်သည်။

အခွင့်အရေးသည် အောင်မြင်မှုကို ဖြစ်စေသည်။

အချိန်တိုင်းကို သင့်အတွက် အသုံးချပါ။

စိတ်၏ချမ်းသာမှုသည်သာ ချမ်းသာမှု အစစ်ဖြစ်၏။

ပြီးစလွယ်လုပ်သည့် အလုပ်သည် နှစ်ကြိမ် ပြန်၍ လုပ်ရပေလိမ့်မည်။

သင်၏မွေးရပ်မြေကို ဘယ်တော့မှ မမေ့ပါနဲ့။

မာနသည် မိုက်မဲမှု၏ အထင်ရှားဆုံးသော အမှတ်တံဆိပ်ဖြစ်သည်။

အောင်မြင်ကြီးပွါးချိန်၌ သတိရှိရမည်။ နိမ့်ပါးချိန်၌ သိခံမှု ရှိရမည်။

မေးမြန်းခြင်းသည် သိခြင်းသို့ ၀င်ရောက်ရာ တံခါးပေါက်ဖြစ်သည်။

နောင်တတရားသည် ဘယ်တော့မှ အရင်မလာ။

အိပ်စက်ခြင်းသည် အဆုံးရွားဆုံးသော သူခိုးဖြစ်သည်။

အကျွမ်းကျင်ဆုံး ရေကူးသမားသည်ပင် ရေနစ်နိုင်သည်။

ချီးကျူးပြောဆိုခြင်းသည် ခင်မင်မှုလမ်းကို ဖွင့်ပေးသည်။

လူသည် တစ်ယောက်တည်း ရှိနေသောအခါ၌ ဘေးအန္တရာယ် ကင်းရှင်းနေသည်။

                                                       ပြန်လည်တင်ပြသူ .. ကောင်းသစ်

နွားပျောက်ရှာပုံတော်.၁

. . . ရှာတာက နွား၊ တွေ့တာက ဘုရား၊ လျှောက်ထားတာက သောကစကား၊ နာရတာက ၀ိမုတ္တိတရား၊
( သူ့အတွက် ) ပွင့်သွားတာက နိဗ္ဗာန်တံခါး ။

မြတ်စွာဘုရားရှင်သည် ကောသလတိုင်း ညို့ညို့မှိုင်းသည့် တောအုပ်တစ်ခု၌ သီးတင်းသုံး နေတော်မူစဉ် အချိန်က ဖြစ်၏။ဘာရဒွါဇ အနွယ်ဖြစ်သော ပုဏ္ဏားတစ်ယောက်သည် နွားပျောက်ရှာရှင်း ရှာရင်း သစ်ပင် ရင်းဝယ် ထက်ဝယ်ဖွဲ့ခွေ အမှတ်သတိဖြင့် ထိုင်နေတော်မူသော ဘုရားရှင်အား တွေ့မြင်ရ၍ သူ၏ ကြုံတွေ့ ခံစားနေ ရသော လူမှု ဒုက္ခများကို ငြီးတွားရင်း ဖွင့်ဟလျှောက်ထား လေ၏။

ငြီးတွားရွတ်ဆို ရင်ဖွင့်လျှောက်ထားသော စကားများမှာ….

        ကျွန်ုပ်သည် တောင်သူလယ်သမားဖြစ်၏၊ တောင်ယာလုပ်ငန်း ကျယ်ကျယ်ပြန့်ပြန့် လုပ်ကိုင်ရာ၌ လွန်စွာ အသုံးဝင်သော ခိုင်းနွား တဆယ့်လေးကောင်ရှိပါ၏၊ ယခု နွားများပျောက်သွား၍ လိုက်ရှာသည် မှာ ခြောက် ရက်မြောက်ပင်ရှိချေပြီ။ နွားရှိခြင်းကြောင့် သုခဖြစ်ခဲ့သလို ယခုတော့ နွားရှာမတွေ့ခြင်းကြောင့်   နွားကြောင့်ဖြစ်သော သောကကိုလည်း ခံစား နေရပါ၏။
                  ဤရဟန်းမှာတော့ ငါကဲ့သို့ နွားမရှိ နွားပျောက်မရှိ၍ သောကကင်းကွာ ချမ်းသာစွာ နေရလေ
ယောင်တကား။

ကျွန်ုပ်သည် တောင်သူလယ်သမားဖြစ်၍ လယ်၌စပါး ယာ၌ နှမ်းများ စိုက်ပျိုးထားပါ၏။ စိမ်းစိုသော နှမ်းများ ကို ကြည့်ရင်း ( နှမ်းထွက်ကို မှန်းချက်ဖြင့် စိတ်ကူးရင်း ) ရင်တွင်းပီတိဖြစ်ရပါ၏။ သို့သော် ယခုသော်ကား -
( ပိုးများကျ၍ )တစ်ရွက်နှစ်ရွက်သာ ကျန်တော့သည့် နှမ်းငုတ်တိုများကို မြင်နေရ၍ သောက ဖြစ်နေရပါ၏။
သစ်တစ်ပင်းရင်း၌ အေးဆေးစွာနေသော ဤရဟန်းမှာတော့ ငါကဲ့သို့ နှမ်းခင်း နှမ်းကွက် နှမ်းပျက်မရှိ၍ ချမ်းသာစွာ နေရလေယောင်တကား။

ကျွန်ုပ်မှာ တောင်သူဖြစ်သည့်အားလျှော်စွာ လယ်ယာမှ ရလာသော စပါး ကောက်ပဲသီးနှံများ သိမ်း ထားရန် ကျီ ( ဘဏ္ဍာတိုက် ) များ ရှိပါ၏၊ ငှက်မှာ ဖျက်တာကျီး၊ တောမှာဖျက်တာ မျောက် ၊ အိမ်မှာ ဖျက်တာ ကြွက်ဆိုသည့်အတိုင်း ကျီထဲ၌ဆူညံစွာ ဖျက်ဆီး သောင်းကျန်းနေသော ကြွက်များ ကြောင့်ဖြစ်သောဒေါ  သနှင့်သောက နှိပ်စက်ခံနေရ၍ စိတ်ဆင်းရဲလွန်းလှပါ၏။
                သစ်တစ်ပင်းရင်းမှာ အေးချမ်းစွာနေသော ဤရဟန်းမှာတော့ ငါကဲ့သို့ ကျီမရှိ၍ ကျီမှဖြစ်သော
ကြွက်ဒုက္ခကင်းဝေး၍ သောကင်းကွာ ချမ်းသာစွာ နေရလေယောင်တကား။

ကျွန်ုပ်မှာ ဇနီးရှိပါ၏၊ သမီးများလည်းရှိပါ၏၊ သို့သော် သူတို့သည် အိမ်တွင်းသန့်ရှင်းရေးလုပ်ရန် ပျင်းရိသူ များ ဖြစ်ပါ၏၊ ထို့ကြောင့် ကျွန်ုပ်၏အိပ်ရာ ဖျာသင်ဖျူးများသည် ဥပ္ပါဋကပိုးတို့ဖြင့် သောင်းကျန်း လျှက်ရှိ သည် မှာ ခုနစ်လပင် ကြာမြင့်ခဲ့ပေပြီ၊ အိပ်ချင်သော်လည်း ပိုးများ ခဏ ခဏ ကိုက်ခဲမှုကြောင့် အိပ်မရသော အိပ်ရေးမ၀သော ညများကို ဖြတ်ကျော်နေရသည်မှာကြာမြင့်ခဲ့လေပြီ။ ( ဥပ္ပါဋက - အရေအသားကို ခွါနှုတ် ကိုက်ခဲတတ်သောပိုး၊ သမ်း ကြမ်းပိုး စသည် )။
         ဤရဟန်းမှာတော့ ယင်းကဲ့သို့ ဥပ္ပါဋကပိုးတို့ဖြင့် နှိပ်စက်ခံရခြင်းမရှိ၍ ချမ်းသာစွာ နေရလေယောင် တကား။

ကျွန်ုပ်မှာ သမီးခုနစ်ယောက် ရှိပါ၏၊ ( ငယ်သောသမီး ကျီးသော ထီးဆိုသော်လည်း ကျွန်ုပ်၏ သမီး များမှာ နားခိုစရာ ထီးအဖြစ် တစ်ယောက်မှ မပါကြ၊ ငယ်သော သမီး ကျီးသောမီး ဆိုသည့်အတိုင်း မီးကဲ့သို့ ပူလောင်မှုကို သယ်ဆောင်လာသူ ပေးသူများသာဖြစ်နေပြန်ပါ၏။ ) ယင်းသမီးခုနစ်ယောက်လုံးသည် သား တွဲလောင်း သမီးတွဲလောင်း မုဆိုးမ ဘ၀ဖြင့် ကျွန်ုပ်အိမ်သို့ (မိဘရပ်ဌာန်သို့သာ) ပြန်လာ နေထိုင်ကြပါ၏။ အဖမဲ့မြေး လူလားမမြောက်သေးသည့်မြေး ခင်ပွန်းမဲ့သမီးလေးများကို ကြည့်ရင်း ကြည့်ရင်း ရင်တွင်း မှာသောကတွေပွါး စိတ်မချမ်းမြေ့မှုများစွာ ဖြစ်နေရပါ၏။
သစ်တစ်ပင်းရင်းမှာ အေးချမ်းစွာ ထိုင်နေသော ဤရဟန်းမှာတော့ သားသမီးတွဲ လောင်းနှင့် ကျန်ရစ်နေရှာသော သမီး မုဆိုးမများ မရှိသောကြောင့် ကြောင့်ကြမဲ့ ချမ်းသာစွာ နေရလေယောင်တကား။

      ကျွန်ုပ်၌ ( ရှု၍မငြီး ချစ်၍ မ၀ထဲတွင် မပါဝင်သော ) မျက်စီနီကြောင်၍ မှဲ့မည်းရှိသော ဘ၀လက် တွဲဖေါ် ( ခင်ပွန်းအပေါ် အကြင်နာမဲ့သော ) ကြင်ဖေါ်ဇနီး ရှိပါ၏။သူသည် အိပ်ရေးမ၀ တ၀ဖြင့် အိပ်နေသော ကျွန်ုပ်ကို နှိုးသောအခါ ( မယဉ် မကြေး) ခြေထောက်မြင့် ကန်ကျောက်၍နှိုးပါ၏၊
                သစ်တစ်ပင်းရင်း၌ စိတ်အေးချမ်းစွာ နေသော ဤရဟန်းမှာတော့ ငါကဲ့သို့ ခြေထောက်ဖြင့်ကန်
ကျောက်အနှိုးခံရသော အဖြစ်ဆိုး မကြုံတွေ့ရသောကြောင့် ချမ်းသာစွာ နေရလေယောင် တကား။

      နာတာရှည်ရောဂါစွဲကပ်သူ ကြွေးမြီများသူများသည် လူမသေခင်က ဘ၀သေနသူများဖြစ်ပါ၏ ထိုထဲ တွင် ကျွန်ုပ်လည်း ကြွေမြီးမကင်းသူ ( ကြွေးထူသူ ) ဖြစ်သောကြောင့်သေလူဖြစ်နေရပါ၏။နံနက် မိုး လင်း ပြီ ဆိုလျှင် (စားဝတ်နေရေး အိမ်တွင်းရေး အဆင်မပြေရသည့်အထဲ) ကြွေးရှင် များ၏ “ ပေး ကုန်လော ပေးကုန်လော ” ဟူသော ( အမင်္ဂလာ ) ကြွေးတောင်းသံကို မကြားချင်သော်လည်း ( မိမိ က ကြွေးယူထားသူ ကြွေးမဆပ်နိုင်သေးသူ ဖြစ်နေသောကြောင့်) ကြားနေရပြန်ပါ၏၊ နားချမ်းသာသော နံနက်ခင်းဟူ၍ မရှိသော ကျွန်ုပ်မှာ သောကဖြင့် ဘ၀ကို ရုံးကန်နေရပါ၏၊
              သစ်တစ်ပင်ရင်းမှာ အေးဆေးစွာ ထိုင်နေသော ဤရဟန်းမှာတော့ ကြွေးမြီတောင်းသူ မရှိသော
ကြောင့် ချမ်းသာစွာ နေရလေယောင်တကား။

       ဘာရဒွါဇအနွယ်ဖြစ်သော တောင်သူပုဏ္ဏားကြီးသည် မိမိကြုံတွေ့ခံစားနေရသော သောကကို တစ်ခုစီ တစ်ခုစီ ဆွဲဆန့်ရင်း သစ်တစ်ပင်ရင်းမှာ အေးချမ်းစွာ သီတင်းသုံးနေသော ရှင်တော်မြတ်ဘုရား၏ဘ၀နှင့်  မိမိဘ၀ကို နှိုင်းချိန် နှိုင်းချိန်၍ ရင်ဖွင့်ပြောကြား လျှောက်ထားနေခြင်းဖြစ်၏။ “ နွား လယ် ယာ   တောင်သူလုပ်ငန်း ဇနီး သမီး မြေး ” စသည်များကို ဘ၀၏သုခများဟု ယခင်က ထင်မှတ်ထားခဲ့၏၊ ယခုတော့ သူထင်ခဲ့သော သုခများ သည် သောကများ ဖြစ်နေသည်ကို ကြုံတွေ့နေရသော အခါ မြိုသိပ် မထားနိုင်တော့ပဲ ပွင့်အန်ထွက်ကျလာခြင်း ဖြစ်ပါ၏။

လောကီသုခမှန်သမျှ၌ သာယာဖွယ်ရှိ၏၊(အဿာဒ) ၊အပြစ် (ဘေးထွက်ဆိုးကျိုး ) ရှိ၏(အာဒီန၀)၊ ထွက်မြောက်ကြောင်းနည်းလမ်းရှိ၏(နိဿရဏ)
                                                                 ဆက်ရန် ကောင်းသစ်..

Saturday, January 14, 2012

ကံကို ဖွင့်သော သော့


သူဌေးဖြစ်သော သူတောင်းစား ဇနီးမောင်နှံတို့သည် နေစရာအဖြစ် သူတစ်ပါး၏ အိမ်နံရံကို  မှီခို၍ စားစရာ အဖြစ် သူတစ်ပါး၏ ပေးကမ်းစာ အကျန်အကြွင်းကိုစား၍ အသက်ရှင်နေရ၏၊
နေ့ပေါင်းများစွာထဲမှ ထို့တစ်နေ့ဝယ် ကျောင်းတော် တံခါးပေါက်နားလာ၍ သံဃာတော်များ၏ စားကြွင်း စားကျန်ကို စောင့်မျှော်နေ၏၊ ကိုရင်များသည် သံဃာတော်များကျန်သော ဆွမ်းကျန်ဟင်းကျန်များကို စုယူ၍ ထိုသူတောင်းစား ဇနီးမောင်နှံတို့ကိုလည်း ဝေငှ၍ပေးနေ၏၊ ယင်းအဖြစ်ကို မြင်တော်မူရ၍  ရှင်တော်မြတ် ဘုရားက စဉ်းငယ်မျှ သွားပေါ်ရုံ ပြုံးတော်မူ၏ ၊
(ကရုဏာကို အရင်းတည်သော သံဝေဂပြုံး ဖြစ်တော်မူရာပါ၏ )။ ဘုရားရှင်၏ ပြုံးတော် မူခြင်းကို အလုပ် အကျွေးဖြစ်သောအရှင်အာနန္ဒာက တွေ့မြင်လိုက်သောကြောင့် ဘုရားရှင် အား ပြုံးတော်မူခြင်း၏ အကြောင်း ရင်းကို မေးလျှောက်သောအခါ  ဤသို့ မိန့်ကြား တော် မူခဲ့ပါ၏

အာနန္ဒာ . . .
    ဤသူတောင်းစား ဇနီးမောင်နှံတို့သည် တစ်ချိန်က ဗာရာဏသီပြည်၌ ကုဋေပေါင်း တစ်ရာ့ခြောက်ဆယ် ( အမျိုးသားဘက်မှ ကုဋေရှယ်ဆယ်၊ ဇနီးသည်ဘက်မှ ကုဋေရှယ်ဆယ် )ကြွယ်ဝချမ်းသာသော သူဌေးကြီး များဖြစ်ခဲ့ကြ၏၊ သို့သော် ပညာမတတ်သော ဇနီးနောင်နံတို့သည် အပေါင်းမှား၍ အပျော်အပါးဘက်၌သာ စိတ်ညွတ်ကာ မိမိတို့ပိုင်ဆိုင်သော စည်းစိမ်ဥစ္စာတို့ကို သုံးဖြုန်းခြင်းဖြင့် အချိန်ကုန်ခဲ့ကြ၏။ သူတို့၏အသိုင်း အ၀ိုင်းများသည်မူးယစ်သမားများနှင့်ပျော်တော်ဆက်ကချေသည်များသာ ဖြစ်ကြ၏၊
           ပေးနိုင်ကမ်းနိုင် ချွေနိုင်တုန်းအချိန်၌ အားလုံးက သူတို့ဇနီးမောင်နှံကို ရံ၍နေကြ၏၊ ပစ္စည်းများကုန်
ခမ်း၍ မချွေနိုင်သောအချိန်၌ အားလုံးက စွန့်ခွါ၍သွားကြ၏၊မည်သူမျှ မရံကြတော့ချေ။ ( အခြွေ အရံဟူ သည် ခြွေတုန်း၌သာ ရံရိုးဓမ္မတာဖြစ်သည်ကို သတိမူသင့်ပါ၏)။ယခုတော့ နေစရာ မရှိ၊ စားစရာ မရှိ  ၊ မှီခိုစရာ မရှိ၊ အားကိုးစရာ မရှိ။ ခွန်းအားနှင့်အလုပ်လုပ်ရန် အားအင်လည်း မရှိတော့၊ ငါးမရှိသော ရေအိုင်၌ အတောင်ကျိုး၍ မပျံသန်းနိုင်သော ကြိုးကြာအိုကြီးများကဲ့ မှိုင်တွေ၍သာ နေရတော့၏။

အကယ်၍သာ ဤသူဌေးသားသည် ပထမအရွယ် နုနယ်စဉ်က ပစ္စည်းများကို အရင်းတည်၍ ကြိုးကြိုးစား စားနှင့် စီးပွါးရေးလုပ်ငန်း လုပ်ကိုင်ခဲ့ပါမူ ဗာရာဏသီပြည်ဝယ် ပထမတန်းသူဌေး( အဂ္ဂသေဋ္ဌိ ) ဖြစ်နိုင်ပါ၏၊ အကယ်၍ ရဟန်းပြုခဲ့၍ ရဟန်းတရား ကြိုးစားအားထုတ်ခဲ့ပါမူရဟန္တာ ဖြစ်နိုင်ရာပါ၏၊ သူဌေးကတော်သည် အနာဂါမ်ဖြစ်နိုင်ရာပါ၏

အကယ်၍ ဒုတိယအရွယ်မှာ ( အသိတရား ၀င်၍ ) ပစ္စည်းဥစ္စာတို့ကို အကျိုးမဲ့မဖြုန်းတီးပဲစီးပွါးရေးလုပ်ငန်း တက်တက်ကြွကြွ လုပ်ကိုင်ခဲ့ပါမူ ဤဗာရာဏသီပြည်ဝယ် ဒုတိယတန်းစားသူဌေးဖြစ်နိုင်ပါ၏ ရဟန်းပြု၍ ကြိုးကြိုးစားစားနှင့် တရားအားထုတ်ဖြစ်ခဲ့ပါမူ အနာဂါမ်ဖြစ်နိုင်ပါ၏၊ သူဌေးကတော်ကြီးသည်မူ သကဒါဂါမ် -
ဖြစ်နိုင်ပါ၏။

အကယ်၍ တတိယအရွယ်မှာ ( နောင်တ တရားရ၍ ) ကျန်ရှိနေသေးသော ပစ္စည်းဥစ္စာတို့ကို အချည်းနှီး အကျိုးမဲ့ မကုန်ခမ်းစေပဲ စီးပွါးရေးလုပ်ကိုင်ခဲ့ပါမူ တတိယတန်းသူဌေးတော့ ဖြစ်နိုင်ပါသေး၏၊ ရဟန်းပြု၍ ကြိုးကြိုးစားစားနှင့် တရားဘာဝနာအလုပ် အားထုတ်ဖြစ်ခဲ့ပါမူ သကဒါဂါမ်အဆင့်တော့ ဖြစ်နိုင်ပါသေး၏။ သူဌေးကတော်ကြီးသည်လည်း သောတာပန် အဆင့်လောက်တော့ ဖြစ်နိုင်ပါသေး၏။

သို့သော် ယခုသော်ကား လောကီအလုပ် ( စီးပွါးရေး ) လောကုတ္တရာအလုပ် ( တရားဘာဝနာ ရှုမှတ် ပွါး များခြင်း)ဘာတစ်ခုမျှဝီရိယစိုက်၍မလုပ်ခဲ့သောကြောင့် လောကဘက်မှရော ဓမ္မဘက်ကပါ ဆုတ်ယုတ် ကာ  လောကသုခ ဓမ္မသုခ နှစ်ဘက်လုံးမှ ဆုံးရှုံးနစ်နာရတော့၏။

     ယခုသော်ကား  ငါးမရှိတော့သော ရွှံနွံအိုင်ဝယ် အတောင်ကြိုးသော ကြိုးကြာအိုကဲ့သို့ ဖြစ်ခြေတော့၏၊ အတိတ်က ( ပြန်လည်သုံးစွဲ၍ မရသော ) အရိပ်များကိုသာ တွေးရင်းတွေးရင်း စားမြုံပြန်ကာ ပူဆွေး မှုသော က များဖြင့်သာ ဘ၀နေ၀င်ချိန်ကို ဆင်းရဲစွာဖြင့် စောင့်စားနေရရှာတော့၏။


      ယင်းဝတ္ထုကို ထောက်ဆ၍ ကံရှိသော်လည်း ၀ီရိယကူမှ ချမ်းသာသုခ အကျိုးပေးခွင့်ရမည်၊ ပါရမီ ရှိသော်လည်း ၀ီရိယကူမှ မဂ်ဖိုလ်ရမည်ဟူသော အသိကို အထူးသတိပြုရာပါ၏။ထို့ကြောင့် မိမိ၏အတိတ်က ဆည်းပူးခဲ့သော “ ပါရမီ - ကံ ” ကို  ချမ်းသာသုခ အကျိုးပေးခွင့်ရအောင် ကိုယ်စီကုိုယ်စီ “ ၀ီရိယ ” သော့ဖြင့် ဖွင့်နိုင်ကြပါစေဟု .. .. .. ။
                              ( အကျယ်ကို ရှုလိုမူ ဓမ္မပဒ မဟာဓနသေဋ္ဌိပုတ္တ၀တ္ထုကို လေ့လာဖတ်ရှုနိုင်ပါ၏ )။
                                                              
                                                              ပြီးပါပြီး     ကောင်းသစ်