လွန်လေပြီးသော ကာလက ဖြစ်ပျက်ခဲ့သော ဖြစ်ရပ်မှန်လေး ဖြစ်ပါ၏။ စာလာ ပေလာ သုံးရလျှင် အတီတေ ဗာရာဏသီယံဟုပင် စရပေလိမ့်မည်။ ဗာရာဏသီပြည် ဗြဟ္မဒတ်မင်း ထီးနန်းစိုးစံစဉ် ဘုရားလောင်းသည် ပုဏ္ဏားမျိုး၌ မွေးဖွားသော ဥာဏ်ပညာထက်မြက်သော ပါရမီရှင်လေး တစ်ယောက်ဖြစ်ခဲ့၏၊ ရှေးခေတ်က အမျိုးလေးပါး သတ်မှတ်ချက်ထားရှိ၏၊ ယင်းတို့မှာ ခတ္တိယ ဗြဟ္မဏ ဝေဿ သုဒ္ဓဟူ၍ ဖြစ်ပါ၏၊ ထိုအမျိုးလေး ပါးတို့တွင်ခတ္တိယနှင့်ဗြဟ္မဏတို့ကို မြင့်မြတ်သော အမျိုးအနွယ်ဟု သတ်မှတ်ကြ၏။ ဘုရားအလောင်းတော် သည် ထိုစဉ်ဘ၀က ဗြဟ္မဏမျိုး၌ မွေးဖွားခဲ့သူဖြစ်ခဲ့၏။
ဗာရာဏသီပြည်၌ ထင်ရှားသော ပညာရှင်ကြီးတစ်ဦးရှိ၏၊ ထိုဆရာကြီးကို ဘက်စုံပညာရှင်ဖြစ်၍ နိုင်ငံတကာ
ဒိသာပါမောက္ခဟု ဘွဲ့ထူးပေးထားပါ၏၊ နိုင်ငံအသီးသီးမှ ပညာလိုလားသော မင်းညီမင်းသား ပုဏ္ဏား သူဌေး သူကြွယ် သားသမီးမှန်သမျှသည် ယင်းဆရာကြီးထံမှာပင် လာရောက်၍ ပညာသင်ကြားကြရ၏၊ ထိုခေတ်
အခါက တက္ကသိုလ်ပြန်မှ ပညာတတ်ဟူ၍ အသိအမှတ်ပြုသော ခေတ်လည်း ဖြစ်ပါ၏
ထိုအချိန်က ဘုရားအလောင်းတော်သည် တပည့်ငါးရာတို့တွင် ပညာအတော်ဆုံးဖြစ်၍ ဆရာကြီး၏လက်
ထောက်အဖြစ် တာဝန်ယူကာ ကျန်တပည့်များကို ထပ်ဆင့်ပညာသင်ပေးရသော လက်ထောက်ဆရာတစ်
ဦးဖြစ်ပါ၏။တစ်ဖက်ကကျန်ပညာရပ်များကို ဆရာ့ထံမှ သင်ယူရင်း အခြားတစ်ဖက်မှလည်း ဆရာ့ကိုကူညီ၍
ပညာတော်သင်များကို ပညာသင်ပေးနေရသော ဆရာတစ်ပိုင်း တစ်ပည့်တစ်ပိုင်း ဖြစ်နေပါ၏။
ဘုရားအလောင်းတော်သည် “ သု၊စိ၊ပု၊ဘာ။ ၀ိ၊သိ၊လိ၊ဓာ၊ ”ဟူသော အက္ခရာရှစ်လုံး စာသင်ထုံးကို နှလုံမူ၍
သင်ကြားခဲ့သော စနစ်မှန်ကြောင့် များများသင် မြန်မြန်သင်နိုင်ပြီး ပညာရပ်များကိုလည်း မမေ့နိုင်ခြင်း ဖြစ်ပါ၏။
ဆရာကြီး၌ အရွယ်ရောက် လူလားမြောက်လာသော ပညာတတ် ရုပ်ချော တော်ဝင်သမီးလေးတစ်ယောက်
ရှိပါ၏၊ မိဘရှင်ဖြစ်သည့်အားလျှော်စွာ မိဘကျင့်ဝတ် မချွတ်စေရန်လည်း သတိထားရပြန်ပါ၏။“မကောင်းမြစ် ထာ ကောင်းရာညွှန်လတ် အတတ်သင်စေ ပေးဝေနှီးရင်း ထိမ်းမြားခြင်းလျှင် ၀တ်ငါးအင် ဖခင်မယ်တို့တာ ”
ဟု မိဘကျင့်ဝတ်က ရှိနေသည် မဟုတ်ပါလား။
သမီးလေးကို လိမ္မာရေးခြားရှိအောင် “ မကောင်းသော ကြံပြောပြုများကို တားမြစ်ခြင်း ကောင်းသောအကြံ
ပြော အလုပ်တို့ကို ညွန်ကြားခြင်း၊ အမျိုးသမီးတို့ တတ်အပ်သော ပညာရပ်များကို သင်ကြားပေးခြင်းဖြင့်ပညာ
အမွေအနှစ်များကိုလည်း ပေးပြီးသားဖြစ်၏၊ ထို့နောက် ဘ၀လက်တွဲ အဖေါ်မွန်ကောင်းတစ်ယောက် စီစစ်
စီစဉ်ပေးရန်ှနှင့် လုပ်ကိုင်စားသောက်ရန် ဥစ္စာအမွေအနှစ်များကိုလည်း ဆက်လက်ပေးရဦးမည်ဖြစ်ပါ၏၊
ထို့ကြောင့် သမီးလေးနောင်ရေး စိတ်အေးရအောင် စဉ်းစားရပြန်ပါ၏၊
လောက၌ ရုပ်ချမ်းသာမှု စိတ်ချမ်းသာမှု နှစ်ခု ယှဉ်လိုက်လျှင် စိတ်ချမ်းသာမှုကသာ အလိုအပ်ဆုံးသော ချမ်းသာဖြစ်ကြောင်း ဒိသာပါမောက္ခဆရာကြီး ကောင်းကောင်း သိပြီးသား ဖြစ်ပါ၏၊ စိတ်ချမ်းသာဖို့အတွက် စာရိတ္တကောင်းမွန်ရန်လိုအပ်ကြောင်းကိုပါ ထပ်ဆင့် သဘောပေါက်ပြီးသား ဖြစ်ပါ၏၊ထို့ကြောင့် သမီးလေး နောင်ရေး စိတ်အေးရဖို့အတွက် သမက်လောင်းကို ကိုယ်တိုင်ပင် စီစစ်၍ ရွေးရန် ဆုံးဖြတ်လိုက်၏။
ယနေ့ တပည့်များအားလုံး ဆရာကြီးထံ စုံစုံလင်လင် ရောက်ရှိနေကြ၏၊ဆရာကြီးက မလာမနေရဟု ပြော၍
ခေါ်ဆိုထားသောကြောင့် ကျောင်းသားစုံ ရောက်နေကြခြင်းဖြစ်၏၊ ယခင်က ယခုကဲ့သို့ တစ်ခါမျှ မခေါ်ဘူး
ကြောင့် အကြောင်းထူးတော့ရှိရမည်ဟု အတွေးကိုယ်စီတော့ ရှိနေကြ၏၊ ဆရာကြီးက အဟမ်းဟု ချောင်း
တစ်ချက်ဟန့်၍ အသံပြုလိုက်၏၊ တပည့်အားလုံးသည် ဆရာကြီးဆီသို့ အာရုံစိုက်နေကြ၏၊ ဆရာကြီးပြော
မည့်စကားကို နားစိုက် ထောင်နေကြခြင်းဖြစ်၏
ဆရာကြီးက တိတ်ဆိတ်ငြိမ်သက်နေသော မိမိ၏ တပည့်များကို ကြည့်ရင်း စကားစလိုက်၏၊ ဆရာ့မှာ အရွယ်
ရောက်ပြီဖြစ်သော ပညာတတ် ရုပ်ချော တော်ဝင် သမီးလေးရှိကြောင့် တပည့်များ သိပြီးသားဖြစ်၏။ မိဘ
ဝတ္တရားအရ သမီးလေးနောင်ရေး စိတ်အေးဖို့အတွက် အိမ်ထောင်ချပေးရန် သင့်နေသော အရွယ်ရောက်
နေပြီးဖြစ်၏၊ ထို့ကြောင့် သမီးလေးရဲ့ကြင်ဘက် ရွေးချယ်ရန် ခေါ်လိုက်ခြင်းဖြစ်ပါ၏၊ ထို့ကြောင့် မိမိ၏တော်
ဝင်သမီးလေးကို ဘ၀လက်တွဲဖေါ်အဖြစ် ရွေးချယ်လိုသော မည်သူမဆို မိဘဆွေမျိုးများ မသိအောင် သမီး
လေးအတွက် လက်ဆောင်ပဏ္ဏာများ ယူဆောင်လာရမည်ဖြစ်၏၊ မိဘဆွေမျိုးများ သိသော အသိပေးသော
ပစ္စည်းပိုင်ရှင်ကို သမက်အဖြစ်ရွေးချယ်မည် မဟုတ်ကြောင်းကိုပါ အထူးသတိပေးစကားအဖြစ် မှာကြားလိုက်
ပါသေး၏၊
တပည့်များ၏ မျက်ဝန်းများသည် နေရောင်ထိသော ပဒုမ္မာ ၊ လရောင်ထိတွေ့သော ကုမုဒြာကြာပန်းကဲ့သို့
ရွှင်လမ်းတောက်ပနေကြ၏၊ ဆရာကြီးသည် မိမိပြောရမည့်စကား ပြောကြားပြီးဖြစ်၍ မနက်ဖန်မှစ၍ ရွေး
ချယ်မှု အစီအစဉ် စတင်မည်ဖြစ်ကြောင်း ပြောကြားကာ မိမိတို့နေရာသို့ ပြန်နိုင်ပြီဖြစ်ကြောင်း ခွင့်ပြုလိုက်
၏၊ တပည့်များ၏ နှလုံးသားများဝယ် အတွေးကိုယ်စီ အပြုံးကိုယ်စီဖြင့် တွေးရင်း ပြုံးရင်း စကားတောင် မပြော
ဖြစ်ကြပဲ မိမိနေရာဆီသို့ ပြန်သွားကြလေတော့၏
နောက်တစ်နေ့ ... ( ဆက်ရန် ) ကောင်းသစ်
No comments:
Post a Comment