ကံသည် မတွေ့ထိသောပုဂ္ဂိုလ်ကို(ကံ၏အကျိုးဖြစ်သော ၀ိပါက်သည်)မတွေ့ထိ၊ထိုမှတစ်ပါး ကံသည် တွေ့ထိ အပ်သော ပုဂ္ဂိုလ်ကိုမူကား (ကံ၏ အကျိုးဖြစ်သော ၀ိပါက်သည်) တွေ့ထိ၏၊ ထို့ကြောင့် မပြစ်မှားထိုက်သည့် ပုဂ္ဂိုလ် မျိုးကို ပစ်မှားမိ၍ ကံကိုတွ့ထိသူကို ကံ၏အကျိုးဖြစ်သော ၀ိပါက်သည် တွေ့ထိ၏၊ (နတ်သား)။
အကြင်သူသည် မပြစ်မှားထိုက်သော စင်ကြယ်၍ ကိလေသာအညစ်အကြေးမရှိသော ရဟန္တာဖြစ်သော ပုဂ္ဂိုလ်အား ပြစ်မှား၏၊ လေညာသို့ ပစ်လွှင့်အပ်သော သိမ်မွေ့သောမြူ မှုံသည် ပစ်လွှင့်သူ ထံသို့သာ ပြန် -
ရောက်သကဲ့သုိ့ ထို့အတူ ထိုသူမိုက်၏ မကောင်းမှုအကိုသိုလ်ကံသည် ထိုသူမိုက်သို့သာ ပြန်ရောက်၏။
( ရှင်တော် မြတ်ဗုဒ္ဓ - သဂါထာဝဂ္ဂ သံယုတ် )။
ကံတရားသည် သစ္စာရှိ၏၊ တရားစီရင်မှု မျှတ၏၊ ချွတ်ချော်မှု မရှိ၊ တိကျ၏ ၊ မှန်ကန်၏၊ ပြတ်သား၏၊ တွေ့ထိသူကိုသာ ပြန်လည်တွေ့ထိ၏၊ သို့သော် ကောင်းမှုထိသူကို ကောင်းကျိုးပြန်ထိ၏၊ မကောင်းမှု ထိသူကိုတော့သူ့ သဘာဝအရ မကောင်းကျိုးများက မလွဲမသေ လာရောက် တွေ့ထိမည်သာ ဖြစ်ပါ၏။ မကောင်းကံကို -သွားထိ၍ မကောင်းကျိုးများ မိသွားသည့် သာဝတ္ထိပြည်သား ကောကခွေးမိုဆိုး အကြောင်းကို တင်ပြလိုက်ပါ၏၊ အသိမှန် အမြင်မှန်ရကြ၍ သံဝေဂယူနိုင်ရန် တင်ပြခြင်းဖြစ်ပါ၏။
ရှင်တော်မြတ်ဘုရား သာဝတ္ထိပြည် ဇေတ၀န်ကျောင်းတော်၌ သီးတင်းသုံးနေသည်ဖြစ်၍ သာဝတ္ထိပြည်သည် သာသနာ ထွန်းကားသော အရပ်ဒေသဖြစ်နေပါ၏၊သို့သော် သာသနာထွန်းကားသော ဒေသ၌လည်း သာသ နာကွယ်နေသူများ ရှိနေတတ်ပါ၏။
သူ့နာမည်ရင်းက ကောက ဖြစ်ပါ၏၊သို့သော် ခွေးများခြံရံလျက်မုဆိုးဘ၀ဖြင့်အသက်မွေးဝမ်းကြောင်း ပြုနေ-
သူဖြစ်၍ အများက သူ့ကို သူ့လုပ်ရပ်နှင့်တွဲ၍ “ ကောကခွေးမုဆိုး ” ဟုခေါ်ကြပါ၏၊ တစ်နေ့ ထိုတစ်နေ့သည် သူ့အတွက် “ မသင့်သော အတွေးအမြင် အယူအဆကို ” အခြေခံ၍ မလုပ်သင့်သည်ကို လုပ်မိသောကြောင့် ဆိုးရွားသော ကံကြမ္မာ၏ရိုက်ချက်ကို ခါးသည်းစွာ ခံလိုက်ရသော နေ့ဖြစ်ပါ၏၊ သူ၏ စနစ်ဆိုး အဖြစ်ဆိုးသည် ယနေ့တိုင်အောင်ပင် ပြောစမှတ် တွင်၍ နေပါ၏၊ “ သူများ မကောင်းကြံ၍ ကိုယ့်ဘေးဒါဏ် ထိခြင်း” ဖြစ်ပါ၏။
ကောကသည် ခွေးများခြံရလျှက် လေးမျှားလွယ်ကာ တောလိုက် (အမဲလိုက် - သားကောင်ရှာပုံတော်ခရီး ) ထွက်လာ၏၊ ကောက.က တောသို့အသွား အရည၀ါသီ တောရပ်မှီသည့်ရဟန်းတော် တစ်ပါးက သာဝတ္ထိသို့ အလာ လမ်းမှာဆုံမိကြ၏၊ ထိုအခါ ကောက.က ယနေ့ ကာဠကဏ္ဏိ -ယုတ်မာသူကို မြင်တွေ့ရ၏၊ငါ့အတွက် သားကောင် ရတော့မည်မဟုတ်ဟု တွေး ( နိမိတ်ဖတ် ) ၍ ဆက်သွားလေ၏၊၊
အမှန်အားဖြင့် ရဟန်းသည် သူတော်စင်ဖြစ်၍ သူကသာ(သူတစ်ပါးအသက် သတ်ဖြတ်၍ အသက်မွေးဝမ်း ကြောင်း ပြုနေသူဖြစ်ရကား)သူယုတ်မာအစစ် ဖြစ်ပါ၏၊သုိ့သော်သူကားသူတော်စင်ရဟန်းကို မြင်ရာတွေ့ရရာ “ သမဏာနဉ္စ ဒဿနမင်္ဂလာ ” မတိုးနိုင်ရှာပဲ “ ကာဠကဏ္ဏိ - ယုတ်မာသူ ” ဟူ၍ပင် စွပ်စွဲလိုက် ပါသေး - ၏၊အမှန်အားဖြင့် အရည၀ါသီ တောမှိ ရဟန်းတော်သည် ညှဉ်းဆဲခြင်း ၀ိဟိံ သ၏ ဆန့်ကျင်ဘက် ကရုဏာတရားကို လက်ကိုင်ထားသူဖြစ်ပါ၏၊ သီလကို အသက်ထက်တမ်းဘိုးထားကာ စောင့် ထိမ်းနေသူ လည်းဖြစ်ပါ၏၊ လောကအပေါ် “ ဗြဟ္မစိုရ်တရား ” ပွါးနေသူသာ ဖြစ်ပါ၏၊တနည်းအားဖြင့် ကိုယ့်ကျင့်ထိမ်း၍ ကိလေသာငြိမ်းအောင် ကျင့်နေသည့်သူတော်စင် အစစ် ဖြစ်ပါ၏၊
ယင်းကဲ့သို့သော သူတော်စဉ် တောနေရဟန်းကိုပင် သူ့အသက်ကိုသတ် အကုသိုလ် အလိမ်းလိမ်းကပ်နေ သည့် မုဆိုးက “ ကာဠကဏ္ဏိ - ယုတ်မာသူ ” ဟူ၍ မြင်နေခြင်းသည် အံ့သြမည်ဆိုလျှင် အတော်ပင် အံ့သြ စရာ ကောင်းလှပါ၏။
ကောကမုဆိုးသည် ဥပါဒါန်ကြောင့် ဥပါဒ်ရောက်သည်ဟု ဆိုရမလားမသိပါ ၊ သူထင်မြင်ထားသည့်အတိုင်း ယနေ့ သားကောင်တစ်ကောင်မျှ မရခဲ့၊( သူတော်စင် ရဟန်းကို မြင်တွေ့ရ၍ သားကောင်းမရခြင်းသည် ) တိုက်တိုက်ဆိုင်ဆိုင်ဟုပင် ဆိုရမလားမသိတော့ပါ၊ ထို့ထက် တိုက်ဆိုင်ခြင်းက ရဟန်းတော်က ဆွမ်းကိစ္စပြီး ၍ တောကျောင်းသို့အပြန်နှင့် အချိန်တန်၍သားကောင်မရခဲ့ပဲ အိမ်ပြန်ခဲ့ရသည့် ကောကတို့ လမ်းမှာတဖန် ဒုတိယအကြိမ် ဆုံမိကြပြန်ခြင်း ဖြစ်ပါ၏၊ ဤသို့ ဆုံမိခြင်းသည် ကောကမုဆိုးအတွက် “ ယမ်းပုံမီးကျ ” သလို သူ့ဒေါသ ကို ပို၍ပို၍တိုးပွါးစေပါ၏၊ ( ယင်းသို့ တိုးပွါးခြင်းမှာ သူ၏ အယောနိသော မနသိကာရ - နှလုံးသွင်း မှားသောကြောင့်သာ ဖြစ်ပါ၏ )၊
ကောကခွေးမုဆိုးသည် သူတော်စင် ရဟန်းတော်ကို မြင်ရပြန်သောအခါ “ ယနေ့ မနက် တောလိုက် ထွက် ဒီကာဠကဏ္ဏိ သူယုတ်မာကို မြင်ရချက်ကြောင့် ဆက်ရက်တစ်ကောင် ကြောင်တစ်မြည်း ဘယ်သား ကောင် ကိုမှ ရှာမှီး၍ ငါမရခဲ့၊ လာခဲ့ လာခဲ့ နောင်တဖန် တွေ့ပြန်ခဲ့လည်း ယခုကဲ့သို့ သားကောင်မရသည့် အဖြစ်မျိုး ငါ တိုးနိုင်သေးတယ်၊ ဒီတော့ နောက်တဖန် ပြန်မတွေ့ရဖို့အရေး ငါ ခွေးတွေနှင့်တိုက်မှ ဖြစ်တော့မယ် ” ဟု မသင့်အကြံ မမှန်နှလုံး သူယုတ်မာတို့ထုံးသုံးကာ သူတော်စင် မထေရ်မြတ်ကို ကိုက်ရန် သူ့ခွေးများကို -“ ရှုးတိုက်၍ ” ညာသံ ပေးလေတော့၏၊
သွေးဆာနေသော ခွေးများသည် သခင့်အလိုကျ ဣနြေ္ဒရှင် ရဟန်းကိုပင် အလွတ်မပေး ပြေး၍ပြေး၍ လိုက် လေတော့၏၊ ( ဤသည်မှ သခင်အပေါင်းမှား၍ ဖြစ်ပါ၏၊ ဓမ္မပဒ ဃောသက၀တ္ထုပါ ခွေးသည်ကား သခင် အပေါင်းမှန်၍ ပစ္စေကဗုဒ္ဓါအရှင်မြတ်ကို အန္တရာယ်ကင်းအောင်ဟောင်၍ ဟောင်၍ စောင့်ရှောက်၏ ) ယခု သော်ကား ဟောင်၍ ဟောင်၍ ကိုက်သတ်ရန် အမြန်ဆုံးသော နှုံးထားဖြင့် ပြေးသွား၍ ရဟန်းတော် ကိုလိုက်လေတော့၏၊
ရဟန်းတော်သည် တ၀ုတ်ဝုတ်အသံပေး၍ သူ့ဆီ ပြေးလာသော ခွေးများကို မြင်သောအခါ “ ဒကာတော် ဤသို့ပြုခြင်းသည်မသင့်တော်ပါ၊ ခွေးများကိုတား ငါအားရန်မပြု ချမ်းသာစွာ သွားခွင့်ပြုပါ ” ဟု ခွေးပိုင် ရှင် ကောကကို လှမ်း၍ တောင်းပန်စကားဆိုပါသေး၏၊သို့သော် ကောကသည် နားမ၀င် ၊ ရဟန်း၏ စကား ကို နောက်ထပ်မကြားချင်တော့၊ထို့ထက်ပြောရလျှင် နောက်တဖန်မမြင်လိုတော့၊ထို့ကြောင့် ကောကမုဆိုးက “ ယနေ့မနက် သင့်ကို မြင်တွေ့မှု နိမိတ်ဆိုးချက်ကြောင့် ငါ၏၀မ်းစာ ဘာသားကောင်ကို မျှရှာ မရခဲ့၊ နောက်ရက်နောက်တစ်လှဲ့ တွေ့ပြန်ခဲ့သော်လည်း ဤကဲ့သို့ ( သားကောင်မရသည့် ) အဖြစ်ဆိုး ငါ တိုးနိုင် သေးတယ် ဒါ့ကြောင့် သင့်ကို အသက်ရှင်ခွင့်ငါမပေး ခွေးစာပဲကျွေးပစ်မည် ” ဟု နှုတ်က လည်းကြုံးဝါး ခွေးများကိုလည်း ရှူးတိုက် မိုက်ချင်တိုင်းမိုက် ( မသူတော်အမျက် ဒေါသထွက်နေ၍လည်း ) ရိုင်းချင်တိုင်း ရိုင်းနေတော့၏၊
ရဟန်းတော်သည် စဉ်းစားမိလိုက်၏ မသူတော်ကို တောင်းပန်၍ အကြောင်းဟန်တော့မည်မဟုတ်၊ လုပ်သင့် သည်ကား လွတ်အောင်ပြေးဖို့ပဲ နည်းလမ်းရှိတော့သည်၊ ခွေးများကား ပြေး၍ လာနေပေပြီ၊ ရဟန်းတော် သည် ဘေးလွတ်ရန် လမ်းဘေးရှိ သစ်ပင်ပေါ်သို့ အချိန်မှီ ပြေး တက်လိုက်ရတော့၏၊ လူတစ်ရပ်လောက် အမြင့်သို့ ရောက်နေသည်ဖြစ်၍ ခွေးများ လှမ်းဟပ်၍ မမှီ၊ အပေါ်သို့လည်း မတက်နိုင်ကြ၍ အောက်ကပ် မကျေမနပ်နှင့် မော့၍ မော့၍တ၀ုတ်ဝုတ် ဟောင်နေကြတော့၏၊ရဟန်းတော်သည် သစ်ပင်ပေါ် တက်ပြေး ၍ ခွေးရန်ကား လွတ်သွားပေပြီး၊ သို့သော်.
ဆက်ရန် . ကောင်းသစ်
No comments:
Post a Comment