ဘ၀မှာ မဟုတ်တာ မလုပ်ရုံနဲ့ မပြီးသေးဘူး၊
ဟုတ်တာလည်း လုပ်ဖို့ လိုသေးတယ်။
မှန်တာပြောတာပဲဆိုပေမဲ့ မှန်တိုင်းမကောင်း၊
အကျိုးဖြစ်မှ ကောင်းတယ်။
မိတ်ဆွေများဖို့ထက်
မိတ်ကောင်းရှိဖို့က ပိုအဓိကကြပါတယ်။
မျှတစွာ တွေးတတ်သူတွေဟာ
မျှဝေစွာလည်း ခံစားတတ်ကြတယ်။
အသိတရား ရှိချင်ရှိ၊ အသိတရားမရှိရင်တော့
အကြောက်တရား ရှိမှ ကောင်းတယ်။
အတိတ်ဟာ ကုန်လွန်သွားပြီဖြစ်ပေမဲ့
ပျောက်ပျက်သော ဖျောက်ဖျက်၍ရသော အရာတော့ မဟုတ်။
အနာဂါတ်ဟာ မသေချာတဲ့ ၊ ဒါပေမဲ့
အနာဂါတ်ရည်မှန်းချက်တော့ လူတိုင်းထားသင့်တာပဲ မဟုတ်လား။
ကံ ဥာဏ် ၀ီရိယအလျှောက် ပညာ ပစ္စည်း အာဏာ ပါဝါ
အဆင့်အတန်းတွေ ပြောင်းလဲသွားကြပေမဲ့ သူငယ်ချင်းပေါ်ထားတဲ့
မိတ်ဆွေကောင်းတို့ရဲ့ စိတ်ဓာတ်ကတော့ ပြောင်းလဲ မသွားတတ်ကြပါဘူး။
လောကီသုခတိုင်းဟာ ချမ်းသာပါတယ်၊ ဒါပေမဲ့
သောကကြောင့်ဖြစ်တဲ့ ဒုက္ခတော့ ကင်းနိုင်မယ် မထင်ပါဘူး။
“ မက် မော ” ခြင်းတဲ့၊
မက်သူတိုင်း မောနေကြတာ ဓမ္မတာပါပဲ။
... ကောင်းသစ်
No comments:
Post a Comment