မာဂဏ္ဍီမိဖုရားခေါင်ကြီးသည် မင်းမျိုးမင်းနွယ်မှ ဆင်းသက်လာသည့်( ရွှေလင်ပန်းနှင့် အချင်းဆေး မင်းမွေးတဲ့ )ရွှေမင်းသမီး မဟုတ်၊ ပုဏ္ဏားသွေးမှ ဆင်းသက်လာသည့် ပုဏ္ဏား မျိုးသာ ဖြစ်၏၊သုိ့သော် သူသည် သူ့ခေတ် သူ့ခါက နတ်သမီးတမျှ အလှသွေး ကြွယ်သူကလေးဖြစ်၍ ကာလသားတိုင်း ကြိုက်သည့် “ နှင်းဆီခိုင် ” ဖြစ်ခဲ့၏။ မြို့မျက်နှာဖုံးဖြစ်သည့် ပုဏ္ဏား သူဌေးသူကြွယ်များက သူတို့သားအတွက် “ ချွေးမ လောင်း ” လာစပ်ကြ၏၊ သူ့မိဘများက အားလုံးကို “ ဟုတ်ကဲ့ သမီးလေးက အသက် အရွယ် ငယ်လွန်းပါသေးတယ် ” ဟုပင် ယဉ်ယဉ်ကျေးနှင့်အားလုံးကို ငြင်းပယ်ခဲ့၏
သူတို့သမီးနှင့်လိုက်ဖက်မည့် သမက်ချောကို သူတို့ နေ့စဉ် ရှာဖွေနေကြ၏၊ သူတို့၌ ရွှေရှိ၏ ငွေရှိ၏ အသိုင်းအ၀ိုင်းရှိ၏ ပညာရှိ၏၊သူတို့လိုနေသည်မှာရွှေမဟုတ်ငွေမဟုတ် ပညာတတ်မဟုတ် သမီးနှင့်ရှေ့သွားနောက်လိုက်ညီမည့်သမက်ချောလေး ဖြစ်၏၊သို့မှ သာ “ နေနှင့်လ - ရွှေနှင့်မြ ” ဆိုသလို သမီးလေးနှင့်လိုက်ဖက်ညီပေမည်။
ကိလေသာ ကင်းစင်တော်မူသည့် မဟာကရုဏာရှင် ရှင်တော်မြတ်ဗုဒ္ဓသည်မာဂဏ္ဍီတို့ မိသားစုရှိရာ ကုရုတိုင်း ( မာဂဏ္ဍီပုဏ္ဏားကြီး အဂ္ဂိပရိစရဏ မီးလုပ် ကျွေးရာ)သို့ သပိတ်သင်္ကန်းဆောင်ယူတော်မူ၍ တစ်ပါးတည်းကြွတော်မူ၏
သမက်ချောရှာနေသော မာဂဏ္ဍီပုဏ္ဏားကြီး(အဖမာဂဏ္ဍီ -အမေမာဂဏ္ဍီ - သမီးနာမည် လည်း မာဂဏ္ဍီ ) မြတ်စွာဘုရားရှင်ကို တွေ့ပါလေပြီး၊ သို့သော် ဘုရားဟုသူမသိရှာ၊ သမဏတစ်ပါးဟုသာ သူသိ၏၊ ထို့ကြောင့် ဘုရားရှင်အနားသွားကာကျန်ုပ်မှ လူမက နတ်တမျှ အလှသွေးကြယ်တဲ့ သမီးငယ်လေး တစ်ယောက် ရှိပါတယ် . အသင် သမဏလို ချောမောလှပသူဟာ သမီးလေးနှင့်သာ ထိုက်တန်ပါတယ်၊ သမီးလေးဟာ လည်း အသင်သမဏနှင့်သာ ထိုက်တန်ပါတယ်၊ အသင်သမဏကို ပြုစုလုပ်ကျွေးဖို့ အတွက် “ သမီးချောလေး ” ကို လက်ခံပါဟု အပ်နှင်းလေ၏၊ မြတ်စွာဘုရှင်က “ ပယ်လည်းမပယ်လိုက် လက်လည်းမခံလိုက် ” စကားတစ်ခွန်းမျှ မဟလိုက်ပေ၊
သို့သော် ပုဏ္ဏားကြီးကတော့ အိမ်သို့ အမြန်သုပ်ခြေတင် ပြေးလေပြီး၊အိမ်ရောက် တော့ ပုဏ္ဏေးမကြီးကို “ သမီးလေးအတွက် လက်တွဲဖေါ် ဘ၀ကြင်ဖက် မိမိတို့အတွက် သမက်ချောချောလေး ” တွေ့ခဲ့ပြီမို့ ရေမိုးချိုး နံ့သာလိမ်း အလှဆင်ပေးဖို့ အမြန် ပြင်ဆင်ခိုင်းလေတော့၏။
မာဂဏ္ဍီသည် ယနေ့ ခါတိုင်းထက်ချော ခါတိုင်းထက်ပင် ပိုလှနေသည်ဟုထင်ရ၏်၊ ယနေ့ အလှဆုံးဖြစ်အောင် ပြင်ဆင်ထားခြင်းလည်းဖြစ်၏၊အသစ်စက်စက်ဖြစ်သော လက်ဝတ်ရတနာ ရွှေချည်ဖြင့်ရုပ်လုံးဖေါ်ထားသည့် ပိုးချည်အ၀တ် ရွှေဘယက်စိတ်နား ကပ် ရွှေလက်ကောက် ရွှေကြယ်သီး ရွှေခြေနင်းတို့ဖြင့် သူ၏အလှသည် ရွှေပေါ် မြတင်သကဲ့သို့ လှချင်းတိုင်းလှ နေတော့၏။စန္ဒကူးနှစ်လိမ်းကြံထားသည်မို့ ကိုယ်သင်း ရနံ့သည်လည်း သင်းပျံ့ပျံ့လေးရှိလှ၏။
သမီးချောလေးကို “ ချွေးမအဖြစ် ” လာစပ်သူအားလုံးကို ငြင်းပယ်ခဲ့သော မာဂဏ္ဍီ ပုဏ္ဏားကြီးသည် ယခုတော့ သူကိုယ်တိုင်က သမက်ချောလေးကိုတွေ့လို့ ကိုယ်တိုင်ပဲ ( သမက်အဖြစ် ) ကြောင်းလမ်းခဲ့သတဲ့၊ ယင်းသတင်းသည် တစ်မြို့လုံး တခဏလေးပင် ပျံ့နှံ့သွားတော့၏၊ အင်း မာဂဏ္ဍီပုဏ္ဏားကြီးက ကိုယ်တိုင်ရှာ ကိုယ်တိုင်စပ်သူဆိုတော့
တော်တော် ချောတဲ့ သူပဲ ဖြစ်ရမယ်၊ အင်း မာဂဏ္ဍီသူငယ်မလေးက နတ်သမီးလိုချော သူ လေးဆိုတော့ သူ့တို့မှန်းတဲ့ ဖမ်းတဲ့ သမက်လေးဟာလည်း နတ်သားလေးလို ချော မောသူပဲ ဖြစ်ရမယ်၊ဘယ်လောက်ချော ဘယ်လောက်လှသူဖြစ်မလဲသွားကြည့်ကြစို့၊ဤ သို့ ဖြင့် ကြီးငယ်ရွယ်လတ် လူအုပ်ကြီး သည် မာဂဏ္ဍီ တို့နောက် မှလိုက်ပါသွားကြ၏
ဘုရားရှင်သည် “ ပဒစေတိယ ” ခြေရာတော်ကို ချထားခဲ့၍ တစ်ခြားတစ်နေရာမှ စောင့် နေတော်မူ၏၊ ခြေရာတော်သည် ခြေလှမ်းတိုင်းမထင်၊ ဘုရားရှင်က အဓိဋ္ဌာန်မှသာထင် ၏၊ ရည်ရွယ်သူသာမြင်၏၊ ဆင် မြင်များ နင်းမိသော်လည်း မပျက်၊ နာဂစ်လေ နီကြမ်း တိုက်ခပ်သော်မှ ပျက်စီးခြင်းမရှိနိုင်၊အခြား မည့်သည့် အကြောင်းကြောင့်မျှလည်း မပျက် စီးနိုင်ချေ။ဤသည်မှာ ခြေရာတော်၏ထူး ခြားမှုပင် ဖြစ်၏၊
ပုဏ္ဏားကြီးသည် ယခင်တွေ့ခဲ့သည့်နေရာသို့ ကြည့်၏ မတွေ့ ၊ သို့သော် ခြေတော်ရာကို သူမြင်နေရ၏၊ ပုဏ္ဏေးမကြီးကို ပြလိုက်၏ ဒါ . ခုနင်က မြင်တွေ့ခဲ့တဲ့ သမက်လောင်း လေးရဲ့ “ ခြေရာ ” ပဲ။
ပုဏ္ဏေးမကြီးသည်လည်း ဗေဒင်ပညာကို တဖက်ကမ်းခပ် တတ်ကျွမ်းသူ ဖြစ်၏ ထို့ကြောင့်ခြေရာကို အကဲခပ်ကြည့်၏“ ဤခြေရာမျိုးသည် လောဘရှိသူ၏ ခြေရာနှင့် လည်းမတူ ဒေါသ မောဟရှိသူတို့၏ အရိပ်လက္ခဏာလည်းမထင် ကိလေသာကင်းတဲ့ သူရဲ့ ခြေရာပဲ ဖြစ်တယ် ” ။
ပုဏ္ဏားကြီးကလက်မခံလိုသေးသဖြင့်ဟိုကြည့်ဒီကြည့် လိုက်ရှာကြည့်၏ထိုအခါ တစ်နေ ရာ၌သီတင်းသုံးနေတော်မူသောရှင်တော်မြတ်ဘုရားကိုမြင်သွား၏၊ပုဏ္ဏေးမကြီး ငါပြော တဲ့သူဟာ အဲဒီ “ သမဏ ” ပဲ ။ဤသို့ဖြင့် ဘုရားရှင်နား ကပ်ကာ “သမီးချောလေးကို ဘ၀လက်တွဲဖေါ်အဖြစ်လက်ခံဖို့ ” အပ်နှင်းလေတော့၏။
ထိုအခါ ရှင်တော်မြတ်ဘုရားက “ အညစ်အကြေးကင်းစင်ပြီး နုနယ်ကြော့ရှင်းယမင်း ရုပ်ကလေးကဲ့သို့ လှချင်တိုင်းလှနေသော မာရ်နတ်မင်း၏ သမီးပျို လေးများဖြစ်သည့် - တဏှာ - အရတီ - ရဂါ - တို့ လာရောက် ဖျားယောင်းစဉ်ကပင် ကိလေသာဖြင့် ပျော်ပါး လိုစိတ် မဖြစ်ခဲ့။ အညစ်အကြေး ရွံရှာဖွယ်တို့ဖြင့်ပြည့်နေသည့် သင်သမီးကို ခြေဖျားဖြင့် ပင် တို့ထိခြင်းငှာ အလိုမရှိပေ ” ဟု ငြင်းပယ်တော်မူလိုက်၏၊
ယင်းဒေသနာ (ယင်းစကား)အဆုံးဝယ် မာဂဏ္ဍီပုဏ္ဏးကြီးတို့ ဇနီးမောင်နှံနှစ်ယောက် လုံး ခန္ဓာကိုယ်၏ အပြစ် အညစ်အကြေးများကို ရှုဆင်ခြင်ကြ၍အနာဂါမ် တည်သွား ကြ၏။ သူတို၏နှလုံးသား၌ “ ဖြူစင်သည့် ဓမ္မ ” ကိန်းသွားလေပြီး၊သို့သော် ( ဆက်ရန် )
သို့သော် …. လှတုန်း ပတုန် အလှမာန်ဖုံးနေတဲ့အရွယ် လူထုပရိသတ်အလယ်၌ သူ့ကို အလိုမရှိလျှင်အလိုမရှိပါဟု ငြင်းပယ်လျှင် ငြင်းပယ်ခွင့်ရှိသည်မို့ ဘာမှ မပြောလို သော်လည်း “ အညစ်အကြေးတို့ဖြင့် ပြည့်နေသော သူ့ကို ခြေဖျားဖြင့်ပင် မထိလို ” ဟု ပြောကြားလိုက်ခြင်းသည် သူ့ကို သက်သက်မဲ့ နှိမ်လွန်းသည်ဟု ထင်ကာသူ၏နှလုံး သား ၌ ဒေါသ အာဃာတ အမုန်း မီးတောက်မီးလျှံ တို့ သည် အရှိန်ပြင်းစွာဖြင့် တဟုန်း ဟုန်း စတင်တောက်လောင်ကျွမ်းလေတော့၏၊
( အမှန်အားဖြင့် ခန္ဓာထဲ၌ မြတ်နိုးစရာ မက်မောစရာ ဘာတစ်မှ မရှိပေ၊ ဒွါရကိုးဝမှ ယိုကျလာသော အညစ်အကြေးများကို ကြည့်ခြင်းဖြင့်ပင် ကိုယ်တိုင် မြင်နိုင်သိနိုင် ပါ၏၊ ထို့ကြောင့် ရှင်တော်မြတ်ဘုရား၏ “အညစ်အကြေး ရွံရှာဖွယ်တို့ဖြင့်ပြည့်နေသည် ” ဟု မိန့်တော်မူခြင်းသည် အရှိအတို်င်း အမှန်အတိုင်း မိန့်တော်မူလိုက်ခြင်း ဖြစ်၏၊ သို့သော် မုန်းစရာကို ချစ်စရာဟု မြင်၍ ရွံစရာကို မြတ်နိုးစရာ ဟုထင်နေသော မာဂဏ္ဍီအဖို့တော့ လက်မခံနိုင်ဖြစ်နေ၏)
ထို့ကြောင့် အရှိအတိုင်း အမှန်အတိုင်း မြင်နိုင်ကြသော မိဘနှစ်ပါးမှာ အနာဂါမ်တည်ကြ ၍ “ နှလုံးသား၌ ဓမ္မ ” ကိန်းသွားသော်လည်း သမီးလေး မာဂဏ္ဍီအဖို့မှာတော့  “ နှလုံး သားမှာ ဓမ္မ မကိန်းပဲ ယင်းအစား ဒေါသ အာဃာတ ” အမုန်းတရားသာ ခိုင်မြဲစွာ နေရာ ယူသွားလေတော့၏်။ ဓမ္မကို အတူတူ နာကြားခွင့်ရသော်လည်း နှလုံးသွင်းမှု အပေါ်မူတည်၍ “အရှုံး - အမြတ် ” ထွက်သွား ခြင်းဖြစ်၏ မိဘနှစ်ပါးသည် သမီးချော လေး မာဂဏ္ဍီကို သူ့ညီ ( မာဂဏ္ဍီလေး၏ ဦးလေးထံ ) အပြီးအပ်နှံ၍ သာသနာ့ဘောင် ၀င်ရောက်ကာနိဗ္ဗာန်မျက်မှောက်ပြုသွားကြ၏၊မာဂဏ္ဍီသည် စိတ်ထဲ၌ ဆုံးဖြတ် ချက်ကို ခိုင်မာစွာ ချထားလိုက်၏အမှီကောင်းရ၍ ပါဝါမြင့် သောထိုတစ်နေ့ တွေ့ကြသေးတာပေါ့ “ သမဏ” ရယ် … ။
မာဂဏ္ဍီလေးသည် အရွယ်ကောင်းသည့်အပြင် အလှမှာသရဖူဆောင်းသူလေးမို့တခြား သူနှင့် မထိုက်တန်၊ ဘုရင်မင်းတို့နှင့်သာ ထိုက်တန်သည်ဟု သူ့ဦးလေးကတွေးမှိ၏၊ ထို့ကြောင့် ကောသမ္ဗီပြည့်ရှင် ဘုရင်ဥတေနကို သူကိုယ်တိုင်ပင် သွားရောက်၍ တူမချောလေးကို “ ဣတ္ထိရတနာ အဖြစ် ” ဆက်သလေတော့၏၊
ဥတေနမင်းသည် ပုထုဇဉ်ဖြစ်၏၊ ပုထုဇဉ်သည် ကိလေသာမကင်းသေးသူဖြစ်၏၊ ကိလေသာ မကင်းသူသည် အာရုံနှင့်တွေ့လျှင် “ အမျက် (သို့မဟုတ် )ရမ္မက်တစ်ခုခု တော့ ဖြစ်တတ်၏၊ ယခုမာဂဏ္ဍီလေးက လှပသူလေးမို့ ဘုရင်မင်း အတွက်တော့ မက်စရာ ဖြစ်သွား၏။ထို့ကြောင့်ပင် သူ့အတွက် ရံရွှေတော်ငါးရာပါအပ်နှင်း၍ မိဖုရား ခေါင်ကြီးအဖြစ် တင်မြှောက်လိုက်လေတော့၏။သူမှန်းသောအမှီ ရပြီမို့ သူ့ဘ၀သည် လည်း ပါဝါမြင့်သော ဘ၀သို့ နေချင်းည ချင်းပင် ရောက်သွားလေတော့၏။ဘုရင်ဥတေ နမင်းကြီး၌ “ ၀ါသုလဒတ္တ - မာဂဏ္ဍီ - သာမာဝတီ ” ဟူသော မိဖုရားခေါင်ကြီး သုံးဦး ရှိ၏၊ အလှည့်ကျ အဆောင်ပြောင်းကာ စံမြန်းလေ့ရှိ၏။
ရှင်တော်မြတ်ဘုရားသည် ကောသမ္ဗီပြည် သူဌေးကြီးသုံးဦးတို့၏ ပင့်လျှောက် ချက်အရ ကောသမ္ဗီရှိ “ ဃောသိတာရုံကျောင်း . ကုက္ကုဋာရုံကျောင်းပါဝါရိကာရုံကျောင်း တို့၌ တလှည့်စီ သီတင်းသုံးစံနေတော်မူ၏
ခုဇ္ဇုတ္တရာသည် သုမနပန်းသည်ထံမှ အမြဲတန်း ပန်းဝယ်နေသူ ဖြစ်၏၊တစ်နေ့ သုမန ပန်းသည် ဘုရားအမှူးရှိသော သံဃာတော်အရှင်မြတ်များဆွမ်းဆက်ကပ်သည်နှင့် ကြုံတွေ့နေ၏၊ ထို့ကြောင့် သုမနပန်းသည်က တရားနာပြီးမှ ပြန်ဖို့တားထား၏၊ ထို့ကြောင့် လူမှုရေးအရ မပြန်သေးပဲ တရားနာချိန်ထိ စောင့်ဆိုင်းနေရင်း ဘုရားရှင်၏ တရားကို နာယူဖြစ်သွား၏။ဒေသနာအဆုံး သောတာပန် တည်သွား၏၊
ဥတေနဘုရင်မင်းသည် သာမာဝတီအတွက် ပန်းဖိုး တစ်နေ့ “အသပြာ ရှစ်ကျပ် ” ထုတ် ယူခွင့် ပြုထား၏၊ ခုဇ္ဇုတ္တရာသည် ယခင်နေ့များကဆိုလျှင် ပန်းကိုလေးကျပ် ဖိုးပဲဝယ်ယူ ဆက်သ၏၊ကျန်လေးကျပ်ကိုမူ သူပိုင်အဖြစ် ဖြတ်ယူထား၏ယနေ့တော့ ဘုရား ရှင်၏ တရားနာယူကာ သောတာပန် ဖြစ်သွားပြီးမို့ “ ငါးပါးသီလကိုယ်ကျင့်တရား ” ခိုင်မြဲသွား လေပြီ၊သောတာပန်သည် ငါးပါးသီလကိုအသက်ထက် တန်ဘိုးထား၏ အသက်ထွက် ချင်ထွက် သီလတော့ဘယ်တော့မှ ဘယ်အကြောင်းကြောင့်မှ အပျက်မခံ တော့ပေ။
ထို့ကြောင့် ခါတိုင်းလို လေးကျပ်ကို မိမိအတွက် ဖြတ်မယူတော့ပဲ “ အသပြာရှစ်ကျပ် ဖိုးလုံး အကုန်ဝယ်၍ မိဖုရားခေါင်ကြီး သာမာဝတီကို ဆက်သလေ၏။မိဖုရား ခေါင် ကြီးသည် အံအားသင့်နေ၏၊ ပန်းတွေခါတိုင်းထက် များလွန်းနေ၍ဖြစ်၏၊ ဒီနေ့ ခါတိုင်း ထက် ပန်းတွေများနေပါလား၊ ဘုရင်ကြီးက ပန်းဖိုးများတိုးပေးလို့လားဟု မေးလိုက်၏၊ တိုးမပေးပါ သခင်မ၊ ဒါဆို..ဘာဖြစ်လို့ ပန်းတွေကခါတိုင်းထက် များနေရတာလဲ၊ ဘုရင်ကြီးက သခင်မအတွက် နေ့တိုင်း ပန်းဖိုးရှစ်ကျပ်ပေးပါတယ်၊ အဲဒါ . ကျမက ကျမအတွက်လေးကျပ်ကို ဖြတ်ယူထားပြီးလေးကျပ်ဖိုးပဲ ပန်းဝယ်ပြီး သခင်မကိုဆက်ခဲ့ ပါတယ်၊ ဒီနေ့တော့ မယူတော့ပဲရှစ်ကျပ်ဖိုးလုံးအကုန် ၀ယ်ခဲ့လို့ပါ သခင်မ .၊
မိမိဖို့်ပေးသော ပန်းဖိုးရှစ်ကျပ်ကို မိမိလူယုံတော်က နေ့စဉ် တစ်ဝက်ဖြတ် ယူထားသည် ဟု သိပါက အမှန်အတိုင်းဆိုလျှင် စိတ်တိုစရာပင်ဖြစ်၏ ခိုးယူထားသည့်ငွေများကို ပြန်တောင်းချင်စရာဖြစ်၏၊သို့သော် သမာဝတီမိဖုရားကြီးသည် သဘောထားကြီး၍ စိတ် ထားဖြူစင်သူဖြစ်၏၊သူ့ရံရွှေတော်များကိုအကြင်နာတရားမေတ္တာတရားဖြင့်ဆက် ဆံသူ ဖြစ်၏ငါမိဖုရားခေါင်ကြီးဟူ၍ မာန်တက်ခြင်း မောက်မာခြင်း အပေါ်စီးက ဆက်ဆံခြင်း ဘယ်တုန်းကမှ မရှိခဲ့ပေ၊ နောင်လည်းရှိလ်ိမ့်မည် မဟုတ်ပေ၊ထို့ကြောင့် ရံရွှေ တော် များက သူတို့ မိဖုရားခေါင်ကြီးကိုချစ်ကြောက်ရိုသေ ရှိကြ၏၊သူတို့သခင်မအတွက်ဆို ဘာလုပ်ရလုပ်ရဘာပေးဆပ်ဆပ်ရ အဆင်သင့်ဖြစ်နေကြ၏၊အသက်စွန့်ရမည်ဆိုလျှင် တောင် နောက်တွန့်သူများ မဟုတ်ကြပေ၊အဲဒီလောက်ချစ်၍ အဲဒီလောက်လေးစားကြ ၏၊အချင်းချင်းအညမည စည်းစည်းလုံးလုံးနေကြ၏ အကြောက်တရားကြောင့်စည်းလုံး ခြင်းမဟုတ် မေတ္တာတရားဖြင့် စည်းလုံးနေကြသူများဖြစ်၏
အကြောက်တရားကြောင့် စည်းလုံးခြင်းည် “ ဟန် ” ဖြစ်၏၊မေတ္တာဖြင့် စည်းလုံး ခြင်းသည် သာ “ အမှန် ” စည်းလုံးခြင်းဖြစ်၏။မိဖုရားခေါင်ကြီးသည် သူ့လူ ယုံတော် ခုဇ္ဇုတ္တရာကို ဒီနေ့မှ ဘာစိတ်ကူးပြောင်းသွား၍ မယူတော့တာ ပါလိမ့်လို့ တွေးမိ၏ တွေးမိ၍လည်း မေးမိတော့၏သြော် .. ဒါဆို ဒီနေ့မှ ဘာစိတ်ကူးပေါက်ပြီး ရှစ်ကျပ်ဖိုး လုံး ၀ယ်ခဲ့ရတာလဲ၊သမ္မာသမ္ဗုဒ္ဓဘုရားရှင်၏ တရားဓမ္မကို နာကြားခဲ့ရလို့ပါ၊
( မိဖုရားခေါင်ကြီးသည် အမြင်ကို ပြောင်းလွဲစေသော ဓမ္မ၊ စိတ်ထားကို ပြောင်းလဲစေ သောဓမ္မ၊အမှန်အတိုင်း ၀န်ခံရဲသောသတ္တိကို မွေးဖွါးပေးလိုက်သောဓမ္မ၊ မကောင်း တဲ့ အပြုအမူနှင့်အပြောအဆိုကို ထိမ်းချုပ်နိုင်စွမ်းရှိသော ဓမ္မ၊ယင်းဓမ္မကို နာယူ ချင်စိတ် ဖြစ်လာ၏၊ထို့ကြောင့် သူတို့တတွေကို ပြန်လည်ဟောပြဖို့ ပြောပြဖို့ တိုက်တွန်းလိုက်၏၊
တရားသိသူမို့ တရားကို လေးစား၏၊ တရားလေးစား၍လည်း ဒီပုံစံအတိုင်း မဟောနိုင်၊ သူ့ကိုရေးချိုးပေးဖို့ ပြော၏ သူတို့သည် ခုဇ္ဇုတ္တရာကုို နံ့သာရေဖြင့် ရေချိုးပေး၏ အ၀တ်စားအသစ်များ ဆင်ပေးကြ၏၊ခုဇ္ဇုတ္တရာသည် နေရာထိုင်ခင်းလေးခင်းထုိုင်ကာ ဆန်းကြယ်သပ်ယပ်သော ယပ်တောင်တစ်ချောင်းကိုင်လျှက် “ ဘုရားရှင်ဆီမှ မိမိနာ ယူခဲ့သည် တရားကို တစ်လုံး တစ်ပါဒမှ မကျန်ရအောင် ပြည့်ပြည့်စုံစုံ ” မိဖုရားကြီး နှင့်ရံရွှေတော်များကို ပြောပြလေတော့၏ ၊ ဟောပြနေတော့၏၊
တရားဆုံးသည်နှင့်တစ်ပြိုင်နက်သူတို့လည်းခုဇ္ဇုတ္တရာကဲ့သို့ပင်“ဒိဋ္ဌိ ၀ိစိကိစ္ဆာသီလဗ္ဗတ ပရာမာသ ဣဿာ မစ္ဆရိယ” တရားဆိုးများကိုပယ်ခွါသူများ ဖြစ်သွားတော့၏၊ သူတို့အတွက် အပါယ်တံခါးသည် “ထာဝရ ” ပိတ်သွားလေပြီး။
ထိုနေ့မှစ၍ အ၀တ်အစားသစ်များကို နေ့စဉ် ပြင်ဆင်ပေးကြ၍ သူတို့၏ “ ဓမ္မဆရာ ” “ ဓမ္မမိခင် ”အဖြစ် ခုဇ္ဇုတ္တရာကို အသိအမှတ်ပြုလိုက်ကြ၏။ခုဇ္ဇုတ္တရာသည် အရင်လို သုမနပန်းသည်ထံသွား၍ ပန်းဝယ်စရာမလိုတော့၊ သို့သော် ရှင်တော်ဘုရား တရားပွဲ ရှိသည့်နေရာတိုင်းသို့သွား၍ တရားနာယူကာသာမာဝတီမိဖုရား ခေါင်ကြီး နှင့်ရံ ရွှေ တော်များကို နေ့တိုင်းပင် ပြန်လည်၍ ဟောပြရသော ပိဋကသုံးပုံဆောင် “ အမျိုး သမီးဓမ္မကထိက ” အဖြစ် ဖြစ်မှန်းမသိ ဖြစ်သွားတော့၏၊ထို့ကြောင့် ရှင်တော်မြတ် ဘုရားက အမျိုးသမီးဓမ္မကထိက တို့တွင်အသာဆုံး အမြတ်ဆုံးဖြစ်သည့် “ ဧတဒဂ် ” ဘွဲ့ထူးကို ခုဇ္ဇုတ္တရာအားပေးအပ်တော်မူခြင်းဖြစ်၏
သူတို့တစ်တွေသည် တရားမြင်သူများ ဖြစ်သွားကြလေပြီး၊ သို့သော်ဘုရားမမြင် ဘူး ကြသေးချ၊ထို့ကြောင့်ဘုရားရှင်ကို ဖူးမျှော်ခွင့် ပူဇော်ခွင့်ရရန် ဓမ္မမိခင်အရာ၌ ထားသော
ခုဇ္ဇုတ္တရာကို ပူဆာကြ၏၊ မိမိတို့သည် မင်းအိမ်၌ နေကြရသူတွေမို့ အပြင်ထွက်ဖို့ မလွယ်၊ အပြင်သို့ ခေါ်ထုတ်သွားဖို့လည်း မဖြစ်နိုင်၊ဖြစ်နိုင်ချေ စဉ်းစားရလျှင် မိမိတို့ တိုက်ခန်းနံရံကို အပေါက်လေးများ “ ဖေါက် ” ၍ယင်းအပေါက်မှပင် ဘုရားရှင်ကို ဖူးမျှော် ပူဇော်ကြဖို့ ဓမ္မမိခင်မှ အကြံပေး၏။ယင်းသို့ဖြင့် သူတို့သည် နံရံများကို အပေါက်ဖေါက်ကာ ဘုရားရှင်ကြွလာတော်မူသည့်အချိန် နံရံပေါက်မှနေ၍ ဘုရားရှင် ကို ဖူးမျှော် ပူဇော်ကြရတော့၏။
တစ်နေ့တော့ မာဂဏ္ဍီမိဖုရားသည် အပျင်းပြေ လမ်းလျှောက်ရင်း သူတို့နန်းမဆောင်သို့ ရောက်လာ၏။ ဟိုကြည့်ဒီကြည့် ကြည့်ရင်းမှ နံရံပေါက်များကို မြင်တွေ့သွား၏၊ အကျိုးအကြောင်း မေးကြည့်သောအခါ ( မာဂဏ္ဍီမိဖုရား ဘုရားအပေါ် ရန်ငြိုထားနေသူ ဟု မသိကြ၍ ) ဤအပေါက်မှနေ ဘုရားရှင်ကို ဖူးမျှော် ပူဇော်ကြကြောင်း ပြောလိုက် ကြ၏၊မာဂဏ္ဍီနှလုံးသား၌ ကိန်းနေသည့် အမုန်းတရားသည် “ ၀ုန်း ” ခနဲ ထတောက်
တော့၏၊ငါ မျှော်မှန်းခဲ့သော “ ထိုတစ်နေ့ ” ယနေ့တော့ ရောက်လာပြီပေါ့ သမဏရယ်..
မာဂဏ္ဍီသည် ဘုရားရှင်ကို အမုန်းကြီးမုန်းနေ၏၊ ထိုအမုန်းသည် ဘုရားရှင်ကိုကြည်ညို နေကြသော သာမ၀တီတို့အပေါ်ပါ ကူးစက်သွားတော့၏၊သမဏရော - သမဏကို ကိုးကွယ်နေသော အုပ်စုရော သိကြသေးတာပေါ့မာဂဏ္ဍီသည် ဘုရင်ဥတေနဆီ သွားလေပြီ၊ ကောင်းသော သွားခြင်းတော့ မဟုတ် ၊ သူ၏ ရန်ငြိုးချေလှမ်းကို အကောင်အထည်ဖေါ်ဖို့ ပထမဆုံး ခြေလှမ်းအဖြစ် စတင် လျှောက်လှမ်းခြင်းဖြစ်၏ ၊ (ဆက်ရန်) ကောင်းသစ်
No comments:
Post a Comment