နှစ်သစ်မင်္ဂလာ

သင်္ကြန်ဆိုတာ  "ပြောင်းရွှေ့ခြင်း ပြောင်းလဲခြင်း အဓိပ္ပါယ်"တဲ့ ၊  ရာသီ စက်ဝန်းတို့ မနားမရပ် လည်ပတ်ပြီး လူတို့သတ်မှတ်တဲ့ တစ်နှစ်တာရဲ့ သတ်မှတ်ရက် သက်တမ်းကုန်ဆုံးလို့ အသစ်တစ်ဖန် နှစ်သစ်ပြန်ကာ ရာသီစက်ဝန်းတို့ လည်ပတ်မှုစတင်ခြင်းပင် ဖြစ်ပါတယ်။လူ့ဘ၀ လူ့သံသရာရဲ့ နှစ်များစွာထဲက  တစ်နှစ် တာ  သံသရာ လည်ပတ်မှု့ ကုန်ဆုံးတဲ့ အထိမ်းအမှတ်နှင့်စတင်လည်ပတ်မှု့ နှစ်သစ်ကို ကြိုဆိုတဲ့ မြန်မာ တို့ရဲ့ ပွဲတော်တခုပါပဲ။ပြည်ပရောက် မြန်မာတို့အဖို့ မြန်မာမှု့ မြန်မာဟန် မြန်မာ့ သင်္ကြန်ပွဲမျိုးတော့ ကျင်း ပခွင့် ဆင်နွဲခွင့် မရကြပါ၊ နယူးယောက်မှာဆိုယင် အခုအချိန်အထိ အအေးဓါတ်ရှိနေသေးလို့ အေး အေးချမ်းချမ်း သင်္ကြန်ရေပက်ဖျန်းဘို့ဆိုတာလဲ မဖြစ်နိုင်သေးပါ၊ အမိမြန်မာပြည်မှာတော့ သင်္ကြန်ရဲ့ သင်္ကေတ သင်္ကြန်ရဲ့ ၀ိသေသတွေနဲ့ အတူ လူငယ်လူရွယ်များက လက်ချိုး ရေတွက်ကာ သင်္ကြန်ကို စောင့် ကြိုနေကြတဲ့ အချိန်ဖြစ်မှာပါ ။ သင်္ကြန်ရဲ့ ၀ိသေသ သင်္ကြန်ရဲ့ ဖွားဖက်တော်ဖြစ်တဲ့ ပိတ်တောက်ပန်းတို့လဲ သင်္ကြန်မိုးနှင့် အတာရေကို စောင့်ကြိုရင်း ဖူးငုံနေကြပေရော့မည် ၊ သင်္ကြန်မိုး ရွာသွန်းပြီတာနဲ့ အစွမ်း ကုန် ပွင့်လန်းပြီး ရွှေရောင်ဆန်းကာ ပိတောက်ပန်းရနံ့တို့ လှိုင်နေပေတော့မည်..၊ သင်္ကြန်ပသာဒ သင်္ကြန်အလှ သင်္ကြန်ပျိုဖြူ တို့ရဲ့ ယိမ်းအက သင်္ကြန်တေးကဗျာတို့ဖြင့် ပျော်ရွှင်ကြည်နူးဖွယ်ရာ တင့်ဆန်းဝေဖြာ မြန်မာ့ အလှ မြန်မာ့သင်္ကြန်ပါမြို့ရွာအနှံ့ ဒေသအစုံ တူးပို့-တူးပို့ တေးသံစုံ ရှာပုံတော်မင်းသားကြီး မန်း တောင်ရိပ်ခို ရွှေမန်းမာလာ သင်္ကြန်မိုး စတဲ့ တေးသံးစုံတို့ကလဲ သင်္ကြန်အလှ သင်္ကြန် သဘာဝကို ခံစားရ သူတိုင်း ပျော်ရွှင်တက်ကြွ လန်းဆန်းစေပါတယ်။ လူကြီးများနှင့် တရား ဘာဝနာ လိုလားသူတို့အဖို့ အလုပ်နားခိုက် အလုပ်အားခိုက် အပျော်အပေါး မျက်နှာလွှဲကာ ဘုရား ကျောင်းကန် ရိပ်သာတန်ဆောင်း ခို အောင်းကပ်ဝင် တရားဖြင့် ပျော်မွေ့ခွင့် ရကြမယ့် အချိန်ဖြစ်မှာပါ။

ပြည်ပရောက် မြန်မာတို့အဖို့ အထူးသဖြင့်နယူးယောက် မြန်မာတို့အဖို့ နှစ်စဉ် နှစ်သစ်မင်္ဂလာပွဲ (၄) ပွဲခန့် ဆင်နွှဲခွင့် ရကြပါတယ် ၊  (၁) ခရစ်နှစ် နယူးယီးယားပွဲ (၂) တရုတ် နှစ်သစ်ကူးပွဲ (၃) မြန်မာ သင်္ကြန် နှင့် နှစ်သစ်ကူးပွဲ (၄)ရခိုင်သင်္ကြန် နှင့် နှစ်သစ်ကူးပွဲများ ဖြစ်ပါတယ် ။ နှစ်သစ်ကူးပွဲတော်များ ဖြတ်ကျော် ရင်း  နှစ်သစ်မင်္ဂလာသဘင် ဆင်နွှဲရင်း စဉ်းစား ဆင်ခြင်မှု့ ပြုကြရမှာက မိမိတို့ဖြတ်သန်း ကျော်ဖြတ်ခဲ့တဲ့ တစ်နှစ်တာ ကာလအတွင်း ကုသိုလ် ရေး စီးပွားရေး ကျန်းမာရေး ပညာရေးတို့ တိုးတက်မှု့ ဆုတ်ယုတ်မှု့ ရလာဒ်များ စစ်ဆေး ကြည့်ရှု သုံးသပ် ဆင်ခြင်သင့်ကြတယ်၊ ရည်မှန်းချက် ရည်ရွယ်ချက်များဖြင့် ဘ၀ကို လျှောက် လှမ်းကြရမယ် ၊အဓိပ္ပါယ်မဲ့စွာ ပန်းတိုင်မရှိ ရည်ရွယ်ချက်မပါ ဘ၀ရေစုံမျှောပြီး မလျှောက် လှမ်းသင့်ကြပါ ၊ အားနှင့် မာန်နှင့်  ၀ိရိယကြီးစွာ သတိထားကာ ရေဆန်ကို လှော်ခတ်သည့်ပမာ လျှောက် လှမ်းကြရမယ်သင်္ကြန်က ပြောင်းလွဲတဲ့ အဓိပ္ပါယ်ရပေမဲ့ ကိုယ့်မှာက လူမှု့ရေး၊ စီးပွား ရေး ၊ ကုသိုလ်ရေး ၊ ပညာရေးတို့ တစ်နှစ်လာလဲ ဒီလိုပဲ ကိုယ့်ဘ၀ကို တစ်နှစ်ထက် တစ်နှစ် ဘာတခုမှ ပြောင်းလွဲအောင် မလုပ်နိုင်ဘူးဆိုလျှင် ခက်လိမ့်မယ် ၊ ဒီဘ၀အတွက် ဒီလိုပဲဖြစ် သလို ဘ၀သံသရာအတွက်လည်း ဒီလို ပဲဆိုလျှင် ပို၍မခက်ပါလား ၊သင်္ကြန်ရဲ့ တူးပို့တူးပို့ တီးလုံးက မပြောင်းသည့်တိုင် ကကြိုး ကကွက်ကတော့ ပြောင်းမှ ဖြစ်မယ်။  

     နယူးယောက်ရာသီ ဥတုမှာ စနိုးကုန်လို့ အတော်အသင့် ရာသီဥတု သာယာလာပြီမို့ နွေးထွေးမှုများ တနေ့တခြား ပိုလာ နေပါပြီိ်။ အရွက်မကျန် ရိုးတန်ကြဲကြဲ မီးလောင်စွဲထား သည့်ပမာ သစ်ပင်များလဲ ဆောင်း ဥတုဒဏ် ကြံ့ကြံ့ခံ၍ ဆောင်းကိုလွန်မြောက် အဖူးအငုံတို့ ပေါက်ရောက် ကာစိမ်း လန်းစိုပြေနှစ် သစ်ကိုကြိုဆိုနေကြသယောင်ပါပေ။နယူးယောက်မြို့ ဘရုက်ကလင် လောကချမ်းသာ ဘုရားကျောင်း တော်မှာ သင်္ကြန်သင်္ကေတ မြန်မာနှစ်သစ်ကူး အမှတ်တရအဖြစ် မြန်မာနှစ်သစ်ကူး ဆုတောင်းမေတ္တာပို့သပွဲတော်ကို ဧပြီလ (၁၀)ရက်နေ့ မှာ ပြုလုပ်မှာဖြစ်ပါတယ်.။နယူးယောက် လောကချမ်းသာ ဘုရား ကျောင်း ရှိသံဃာ တော်များ နယူးဂျာစီ မဟာစည်ရိပ်သာကျောင်း သံဃာတော်များနှင့် ဘော်စတွန်မြို့ မဟာသတိပဋ္ဌာန် ကျောင်း သံဃာတော်များအား နေ့ဆွမ်းဆက်ကပ်လှူဒါန်းခြင်း ပရိသတ်များအား မြန်မာတို့ အကြိုက်နန်းကြီးသုပ်နှင့် မြန်မာမုံ့များဖြင့် ကျွေးမွေးဧည့်ခံမှာဖြစ်ပါတယ်။  

     

အလှူရှင်များမှာ Dr. Hung-Sam Daw Khin Si Lee family and Theresa Ma Tin Sein Lee တို့ဖြစ်ပါတယ် ။ နှစ်သစ်မင်္ဂလာ စကားအနေဖြင့် တိုက်တွန်းပြောကြားလိုသည်မှာ ပညာရှာ အရွယ်များက ပညာရေး ရအောင်ရှာကာ ၊ စီးပွားရှာ အရွယ်များက စီးပွားရေး ရအောင်ရှာပြီး  ၊ ကုသိုလ်ရေးနှင့် ကျန်းမာ ရေးမှာ သတ်မှတ်အရွယ် ကန့်သတ်မထားဘဲ အမြဲတစေ ရှာဖွေ နေကြရမှာ ဖြစ်ပါတယ် ၊ဒါမှ မိမိတို့ဘ၀ဟာ တစ်နှစ်ထက် တစ်နှစ် တိုးတက်ပြောင်းလွဲကာ တောက်ပြောင်လာမှာ ဖြစ်ပါတယ်။ နှစ်သစ် နှစ်ဦးမှာ ဓနအင်းအား ဓမ္မအင်အားများ တိုးတက် ပြောင်းလွဲအောင် စိတ်သစ် မာန်သစ် အားမာန်သစ်တို့ဖြင့် အဓိဋ္ဌာန်ကာ ရည်မှန်းချက် ပန်းတိုင်ရောက်အောင် စွမ်းဆောင် နိုင်ကြပါစေဟု ဆန္ဒပြုလိုက်ပါတယ်..။


        ၁။ နှစ်ဟောင်းကုန်ပျက် နှစ်သစ်ဆက် တိုးတက်မင်္ဂလာ ဖြစ်ပါစေ။      

       ၂။ အကုသိုလ်များ ရှောင်ဖယ်ရှား ပွားများကုသိုလ်တွေ။      

       ၃။ နိဗ္ဗာန်ရောက်ရန် သတိပဋ္ဌာန် အမှန်ရှု့မှတ်ပွားများလေ။
                                             နှစ်သစ်မှာ ပျော်ရွှင်ချမ်းမြေ့ကြပါစေ။

                                       အရှင်စက္ကိန္ဒ  

                                       လောကချမ်းသာဘုရားကျောင်းနယူးယောက် 

                                       ဧပြီလ ၁ ရက် ၂၀၁၁