တနေကွယ်
သေနယ်သို့ တစ်ခါကူး။
မေ့လျှော့က သေဘူးမထင်ပါနဲ့
နေကွယ်တာ အချိန်များရင်
သေနယ်ရွာ တစ်ကြိမ်သွားတယ် ကွယ်…
တားမရဘူး ။ (မူရင်းကဗျာရှင် မသိပါ)။
နေမင်းပေါ်ထွက်၍ တောင်စွယ် နေကွယ်သွားလျှင် တစ်နေ့တော့ ကုန်ပြန်ပေါ့ဟု ပြောတတ်ကြ စမြဲဖြစ်၏။ နေ၀င်ပါများတော့ နေ့တွေ ကုန်ပါများလာ၏၊ နေ့တွေ့ကုန်ပါ များလာပြန်တော့လတွေ ကုန်လာပြန်၏့၊ အဲဒီလတွေ ၁၂ လကုန်ပြန်တော့ တနှစ်ကူးပြန်ပေါ့ဟု ဆိုကြပြန်ပါ၏။
နှစ်ကူးခြင်းကိုပဲ အတာကူးခြင်း နှစ်ပြောင်းခြင်း သင်္ကန္တ သင်္ကြ န္တ သင်းကြန်ကျပြီလို့ ဆိုကြပြန်ပါ၏
သင်္ကြန်ကာလ၌ မိမိတို့အားသာရာ အားသာရာ ခြေဦးလှည့်ကြပြန်၏၊ ဘာသာရေး အားသန်သူများက သင်္ကြန်ကာလအတွင်း ဒုလ္လဘရဟန်းပြုခြင်း ရှင်ပြုခြင်း သီလရှင်ဝတ်ခြင်း တရားဘာဝ နာပွါးများခြင်း ဥပုသ်ရက်ရှည် စောင့်သုံးခြင်းဖြင့် နှစ်ဟောင်းနောက်ဆုံးရက် ကာလကို အကျိုးရှိရှိ အသုံးချကြ၏၊
တနည်းအားဖြင့် နှစ်သစ်ကို ကုသိုလ်ဖြင့် ကြိုဆိုကြခြင်းဖြစ်ပါ၏၊ ကုသိုလ်သည် လျှောက်လှမ်းရမည့် အနာဂါတ်ဘ၀ခရီးအတွက် ပန်းခင်းလမ်းကို ဖန်တီးပေးတတ်ပါ၏၊၊ ဤသည်ကို ယုံကြည်ချက်
အားကောင်းသူများက “ အချိန်ကို ကုသိုလ်ဖြင့် အသုံးချခြင်း ” ဖြစ်ပါ၏။ အသက်သည် အချိန်ဖြစ်၍
အချိန်ကို ကုသိုလ်ဖြင့် ကုန်လွန်စေခြင်းသည် အသက်ကို အမြတ်ဆုံးတန်ဆာဖြင့် အလှဆင်ခြင်းဖြစ်ပါ၏၊
တနှစ်ကုန်သွားပြန်တော့ တနှစ်အသက်ကြီးသွားပြန်၏၊ အသက် တစ်နှစ်ကြီးလာခြင်းသည် သေခြင်းနှင့် သေမင်းနဲ့ တနှစ်နီးလာခြင်းဖြစ်ပါတော့၏၊ အသက်ကြီးခြင်းသည် အမှန်အားဖြင့် နေဖို့အခွင့်အလမ်း ငယ်သွားခြင်း (နဲသွားခြင်း) ဖြစ်ပါ၏။
နေခဲ့ပြီး ရက်လနှစ်တို့ကို သိရသော်လည်း နေရမည့် ရက်လနှစ်တို့ကား ခန့်မှန်းရ ခက်လှပါ၏၊
နောက်ဘ၀ဟူသည် လက်တကမ်းမှာ အမြဲရှိနေသည် မဟုတ်ပါလား။ထို့ကြောင့် အနာဂါတ်သည်
မုချတွက်ဆ၍ မရသော ကိုယ်ပိုင်အချိန်ဖြစ်ပါ၏၊
ပိုင်ဆိုင်ခဲ့ပြီးသော အတိတ်သည် မိမိအတွက် ဘာများ ပိုင်ဆိုင်ခဲ့ပါသနည်း
ကုသိုလ် ဥစ္စာ ပညာ ပါဝါ . ဘာများ ပိုင်ခဲ့သနည်း ၊ လောကအတွက် သာသနာအတွက် ဘာများ
အကျိုးပြုခဲ့ပါသနည်း၊ ပိုင်ဆိုင်မှု မရှိသော အကျိုးပြုမှု မရှိခဲ့သော အတိတ်သည် ခြေရာ မထင်ခဲ့သော အတိတ်ခြေလှမ်းများ ဖြစ်သွားပါ၏၊ ထို့ကြောင့် သေချာသော ရေရာသော ခြေလှမ်းများ ကျန်ရစ်စေရန်..ကုသိုလ် ဥစ္စာ ပညာ ပါဝါများ ပိုင်ဆိုင်ဖို့ လက်ရှိအချိန်ကို အသုံးချမှိရန် အထူးပင်လိုအပ်ပါ၏။
ထို့ကြောင့် တောင်စွယ်နေကွယ်သော်လည်း ဘ၀နေမကွယ်ခင် မိမိတို့ပိုင်ဆိုင်သော ကိုယ်ပိုင်အချိန်လေးမှာ “ ကုသိုလ် ဥစ္စာ ပညာ ပါဝါများ ” တိုးအောင် ကြိုးစားကြရင်းခြင့် မိမိ၏အသက်ကို တန်ဖိုးမြင့်မားအောင် ကြိုးစား နေထိုင်ကြပါစို့၊ လောကနှင့်သာသနာကို စွမ်းနိုင်သမျှ အကျိုးပြုကြပါစို့ဟု ဆန္ဒပြုရင်း . ဤဆောင်းပါးလေးဖြင့် နှစ်ဟောင်းကို နှုတ်ဆက်၍ နှစ်သက်ကို ကြိုဆိုလိုက်ပါ၏
ကောင်းသစ်..
No comments:
Post a Comment