မုဆိုး၏ ဆွမ်းတစ်နပ် ၂

ထိုရဟန်းတော်အား မိမိမှတစ်ပါး အားကိုးစရာမရှိသည်ကိုမြင်တော်မူ၏။  ထို့ကြောင့်ကျောင်းစဉ်
လှည့်လည်ကြည့်ရှု့သည်ပုံစံမျိုးဖြင့်ကျောင်းစဉ်လှည့်ရင်းမီးတင်ကုဋ်သိုဝင်တော်မူလျှက်ရေနွေး
အိုးကိုဆေးကြော၍  ကိုယ်တိုင်ပင် ရေဖြည့်ကာ မီးဖိုပေါ်ပင်တင်၍ ရေနွေးအပွက်ကို စောင့်ရင်း မီးတင်း ကုတ်အတွင်းမှာပင် နေတော်မူ၏။

ရေနွေးပွက်သောအခါနာမကျန်းဖြစ်နေသောအရှင်တိဿမထေရ်ထံသိုကြွတော်မူ၍ရေနွေးဖြ့င့်
ရေချိုးပေးရန် ( ရေနွေးဖြင့် ရေပတ်တိုက်ပေးရန် ) အရှင်မြတ် လျောင်းနေသောကုဋင်ကို ချီမရန် ကိုင်တော်မူ၏၊ထိုအခါ  ရဟန်းတော်များ ရောက်လာ၍ မဟာကရုဏာရှင် ရှင်တော်မြတ်ဘုရား တပည့်တော်များ ကုဋင်ကို  သယ်ပေးပါ့မည်ဘုရားဟု လျှောက်ထားကာ လူနာကုဋင်ကို မီးတင်း ကုတ်အနားသို့ သယ်ယူလာကြ၏၊
ရှင်တော်မြတ်ဘုရားသည် အိုးတစ်ခုထဲ၌ ရေနွေးကို ထည့်စေ၍ နာမကျန်းဖြစ်နေသော အရှင် တိဿ မထေရ်မြတ်၏ ခန္ဓာကိုယ်မှ အပေါ်ရုံသင်္ကန်းဧကသီကိုယူ၍ ရေနွေးဖြင့် လျှော်ဖွတ်စေ ၏ ထို့နောက် နေပူ၌ လှမ်းစေ၏။အချို့ရဟန်းတော်များက သွေးပြည် အလိမ်းလိမ်းကပ်နေ သော အရှင်တိဿ၏ကိုယ်ကိုရွေနွေး ပူဖြင့် ရေပတ်တိုက်ပေးကြ၏၊ ခဏအကြာ အပေါ်ရုံ ဧကသီ ခြောက်သောအခါ၌ဧကသီကို ၀တ်ရုံ၍ ခါးဝတ်သင်းပိုင်ကို ရေနွေးဖြင့် လျှော်ဖွတ် စေပြန်၏၊ခန္ဓာကို ရေများခြောက်သွေ့သွားချိန် နေပူလှမ်းထားသော သင်းပိုင်သည်လည်း ခြောက်သွေ့ပြီဖြစ်၍ တစ်ထည်ကိုဝတ် တစ်ထည်ကို ရုံစေ၍ ညောင်စောင်း ပေါ်၌ လျှောင်းနေ၏။

ရှင်တော်မြတ်ဘုရား၏ မဟာကရုဏာ ရဟန်းတော်များ ၀ိုင်းဝန်းပြုစုမှုကြောင့် အရှင်တိဿ မထေရ်မြတ်၏ ခန္ဓာကိုယ်သည်လည်း သန့်ရှင်းနေတော့၏၊ အ၀တ်သင်္ကန်းသည် လည်းသန့်ရှင်း ပေတော့၏၊ ခန္ဓာကိုယ်နှင့် အ၀တ်သန့်ရှင်းလာပြီဖြစ်၍ အရှင်တိဿမထေရ်မြတ်၏စိတ်သည် လည်း ပေါ့ပေါ့ပါးပါး သန့်သန့်ရှင်းရှင်း ဖြစ်လာတော့၏။ထိုအခါ ရှင်တော်မြတ်ဘုရားက အရှင် တိဿမထေရ်၏ ခေါင်းရင်းမှနေ၍ ဖေါ်ပြပါ ဂါထာကိုဟောကြားတော်မူ၏။
    “ ဤခန္ဓာကိုယ်သည် (စိတ်) ၀ိညာဉ်ကင်းခဲ့သော် အသုံးမကျသော ထင်းတုံးကဲ့သို့ စွန့်ပစ်
     အပ်သည်ဖြစ်၍ မကြာမီသာလျှင် မြေပေါ်၌ အိပ်ရလိမ့်တကား ” ။

ဒေသနာတော်အဆုံး၌ ( အသံနောက်ဥာဏ်ရောက်အောင် သတိအသိကပ်ကာ နာရင်းရှုမှတ်နေ သည်ဖြစ်၍ ) ပဋိသမ္ဘိလေးပါးနှင့်တကွ အရဟတ္တဖိုလ်ပေါက် ရဟန္တာ အဖြစ်သို့ဆိုက် ရောက် တော်မူ၏။ အနီး၌ ရှိကြ သော ရဟန်းတော်များသည် ပါရမီဓါတ်ခံအား လျှော်စွာ သောတာပန် သကဒါဂါမ် အနာဂါမ် စသည် ဆိုက်ရောက်တော်မူကြ၏။

အရှင်တိဿမထေရ်မြတ်သည်အရဟတ္တဖိုလ်ဆိုက်ရောက်၍မကြာမြင့်မီမှာပင်ဝိပါက်နာမက္ခန္ဓာ
ကဋတ္တာရုပ်အကြွင်းအကျန်မရှိသောအနုပါဒိသေသပရိနိဗ္ဗာန်စ၀င်တော်မူသွား၏။ရှင်တော်မြတ် ဘုရား သည် အရှင် တိဿမထေရ်၏အလောင်းတော်ကို အဂ္ဂိဈာပနခေါ်မီးသဂြိုဟ်ခြင်းအမှု ပြုတော် မူစေ၍ ကြွင်းကျန်ရစ်သော ဓါတ်တော်များကို လူနတ်အများ ကုသိုလ်ပွါးစေရန်အတွက် “ ဓါတု စေတီ ” တည်တော်မူရန် ညွှန်ကြား တော်မူ၏။( သမ္မာသမ္ဗုဒ္ဓ - ပစ္စေကဗုဒ္ဓ - ရဟန္တာ - စကြာဝတေးမင်း တို့သည်စေတီတည်ထိုက်သူများ ဖြစ်ပါ၏။ )

ရဟန်းတော်များသည် အရှင်တိဿမထေရ်၏ လာရားဂတိ ဖြစ်ရာဘုံဘ၀ကို ဘုရားရှင်အား မေးမြန်းကြ၏။ဘုရားရှင်က အရှင်တိဿမထေရ်သည် “ ကံ ကိလေသာ ” မရှိတော့ပြီဖြစ်၍  လားစရာဂတိ ဘုံဘ၀ မရှိတော့၊ တဏှာမရှိရာ ခန္ဓာမရှိရာ နိဗ္ဗာန်သို့ မျက်မှောက်ပြုသွား ပြီးဖြစ်ကြောင်း ပြန်လည် မိန့်ကြား တော်မူ၏။ရဟန်းတော်များကဆက်လက်၍ အရဟတ္တဖိုလ် ပေါက်နိဗ္ဗာန်မျက်မှောက်ပြုနိုင်သောမထေရ်မြတ် ဖြစ်ပါလျှက်“ အဘယ့်ကြောင့်  ပြည်နာ ပေါက်ခြင်း၊ အရိုးများ အက်ကွဲခြင်း၊နိဗ္ဗာန်မျက်မှောက် ပြုနိုင်ခြင်းများ ” ဖြစ်ရ ပါသနည်းဟု မိမိတို့ မမြင်ရမမြင်နိုင်သော အရှင်တိဿမထရ်၏ အတိတ်အကြောင်းကို မေးလျှောက်ကြ၏ ရှင်တော် မြတ် ဘုရားသည် အရှင်တိဿမထေရ်၏အတိတ်ဇာတ်ကြောင်း ကိုပြန်ပြောင်း၍ ဟောကြား တော်မူ၏။

ဤဘဒ္ဒကမ္ဘာမှာပင်“ကဿပရှင်တော်မြတ်ဘုရားလက်ထက်တော်”ကာလ.အရှင်တိဿလောင်း
လျာသည် ငှက်မုဆိုးဖြစ်၍ ငှက်များကို ဖမ်းဆီး၍ ရောင်းချကာမိမိအသက်ကို ဆက်ခဲ့သူ ဖြစ်ခဲ့၏(သူတစ်ပါး အသက်ဖြင့်   မိမိအသက် ဆက်သူများသည် အသက်မွေးဝမ်းကြောင်း မစင်ကြယ်သူများ ဖြစ်ကြ၏၊) ငှက် များများရသောနေ့၌ ရောင်းလည်းရောင်း မိမိအတွက်လည်း ချက်စား၏။ရောင်းချ၍ မကုန်သောအခါ ငှက်များကို မပြေးနိုင် မပျံနိုင်အောင် ခြေထောက် များတောင်ပန်များကို ရိုက်ချိုး၍ စုပုံထား၏၊ ( ငှက်ကိုတစ် ခါတည်း အသေသတ်ပါက နောက် နေ့၌ ပုပ်ပွသွားလျှင် ရောင်းမရမည်စိုးသောကြောင့် အသေမသတ်ပဲ မပြေးနိုင်မပျံနိုင်အောင် ခြေထောက်များ တောင်ပံများကို ရိုက်ချိုး၍ စုပုံထားခြင်းဖြစ်၏)

တစ်နေ့ အရသာရှိလှသော ရသဘောဇဉ်ကို ချက်ပြီးချိန် -အိမ်ပေါက်ဝ၌ ရဟန္တာ အရှင်မြတ် တစ်ပါး ဆွမ်းရပ် နေသည်ကို(အရှင်တိဿမထေရ်လောင်းလျာ) ငှက်မုဆိုး သည်လှမ်းမြင် လိုက်၏၊ သင်းပိုင်သင်္ကန်း တို့ကို   အ၀န်းညီစွာ ၀တ်ရုံ၍ စက္ခုနြေ္ဒချကာ တည်တည်ငြိမ်ငြိမ်ဖြင့် သပိတ်ပိုက်လျှက် ဆွမ်းရပ်နေသည်ကို မြင်ရသောအခါ အလွန်ကြည်ညိုသွား၏။

မိမိသည်(ဘုရားသာသနာကြုံတွေ့နေပါလျှက်ဘ၀ပေးအခြေအနေစားတ်နေရေးအရကျောင်းကန်
ဘုရားနှင့်ဝေးကွာကာငှက်များကိုသတ်ဖြစ်တ်၍အသက်မွေးဝမ်းကြောင်းပြုလာခဲ့သည်မှာနှစ်များ လည်းမနည်းတော့။လှူဖွယ်ပစ္စည်း အလှူခံ သဒ္ဓါတရား ဤသုံးပါးစုံမှ ဒါနပြုဖြစ်သည်တဲ့၊ ယခု တော့လှူဖွယ်အလှူခံ သဒ္ဓါတရား သုံးပါးလုံး စုံညီနေပေပြီး၊ အတိတ်က ဒါနနည်းခဲ့၍ ယခုဘ၀ မွဲရသည်၊ယခု မရှိ၍ မလှူဖြင်လျှင် နောင်ဘ၀ သံသရာတို့၌လည်း ရှိလာလိမ့်မည် မဟုတ် တော့။ မရှိုလုိ့ မလှူ မဖြစ်စေပဲ ရှိတာလေးထဲက ခွဲလှူမည်ဟု စိတ်ဆုံးဖြတ် လိုက်၏၊ ထို့နောက် အရှင်မြတ်၏ လက်မှ သပိတ်တော်ကို ယူခဲ့၍ အရံသင့် ကျက်ပြီး သားဖြစ်သော ရသဘောဇဉ်ကို သပိတ်အပြည့်ထည့်၍ အရှင်မြတ်၏ လက်တော်သို့ ရိုရိုသေသေ ဆက်ကပ်ပြီးလျှင်“ ခြေ လက် နှဖူး တတောင် ဒူး ” ဟူသော ထိခြင်းငါးပါး (တည်ခြင်းငါးပါး ) နှင့် ရှိခိုး ဦးချပြီး၍ ဆုတောင်းလေ၏

( ကောင်းသစ် )

ငှက်မုဆိုး တောင်းလိုက်သည့် ဆုမှာ ရိုးရိုးလေးပင် ဖြစ်၏၊“ အရှင်မြတ်တို့ သိအပ်သောအသိ၏ အထွဋ် အထိပ်သို့ ရောက်ရပါလို၏ ”တဲ့။ အမှန်အားဖြင့် နိဗ္ဗာန်ကိုသာ ဆုတောင်း လိုက်ခြင်းဖြစ်ပါ၏။ ရဟန္တာ အရှင်မြတ်ကလည်း “ ဧ၀ံ ဟောတု - တောင်းသည့်အတိုင်း ပြည့်စေ သတည်း ” ဟုဆုပေးလိုက်၏။အရှင် တိဿ မထေရ်သည် ငှက်မုဆိုး ဖြစ်စဉ်ဘ၀က ငှက်များကို ဖမ်းဆီး၍ ခြေထောက်များတောင်ပံများကို ရိုက်ချိုး ဖျက်ဆီးခဲ့သည့် အကု သိုလ်ကံကြောင့် ခန္ဓာကိုယ်မှာ ပြည်တည်နာများ ပေါက်ခြင်း၊ အရိုးများ ကွဲအက်ခြင်း ဒုက္ခကို ခံစားရခြင်း ဖြစ်၏။ကိလေသာ အာသဝေါ ကင်းသော ရဟန္တာအရှင်မြတ်ကို “ ဆွမ်းတစ်နပ် ” ဆက်ကပ်လှူဒါန်း၍ နိဗ္ဗာန်ကို ဆုတောင်း ( ဆုပန် ) ခဲ့သောကြောင့် အရဟတ္တဖိုလ်ပေါက် နိဗ္ဗာန်မျက်မှောက်ပြုနိုင်ခြင်းဖြစ်၏ဟု အတိတ်ဇာတ်ကြောင်းကို ပြန်ပြောင်း ဟောကြားတော် မူခဲ့ပါ၏။

အရှင်တိဿမထေရ်၏ ဘ၀ဖြစ်စဉ်ကို ဖတ်ရှုကြပြီးလျှင် “ ကောင်းကံ ဆိုးကံတို့ကို - မိမိသာ ပြန်လည်၍ စံစား ခံသွားကြရမည်ကို ” သတိကောင်းစွာ မူကြလျှက် အသိရှိသော ဘ၀မှာ အကျင့်လိုက်နိုင်ကြသူများ ဖြစ်ကြ၍ မကောင်းမှုများ ရှောင်ရှား - ကောင်းမှုများကို ဆောင်ထားကြပြီးလျှင် အရဟတ္တဖိုလ်ပေါက် နိဗ္ဗာန် မျက်မှောက် ပြုနိင်ကြပါစေဟု … ပြီးပါပြီ