ဝိရတီ-ဟူသည်ဒုစရုိုက်ကိုမပြုမကျင့်မပြောရှောင်ကြဉ်ခြင်းလက္ခဏာရှိ၏၊ဒုစရိုက်မှတွန့်ဆုတ်ခြင်း ကိစ္စရှိ၏၊ဒုစရိုက်ဟူသည် မပြုသင့် မပြုထိုက် ရှောင်ကြဉ် ရမည့် တရားဟု ယောဂီဥာဏ်အား ရှေ့ရှု ထင်လာ၏၊သဒ္ဓါ ဟိရိ သြတ္တပ္ပ အပိစ္ဆစသော တရား လျှင် နီးစွာသော အကြောင်း ရှိ၏၊ဤ သည်မှာ“ ၀ိရတီ ” နှင့်ပတ်သက်၍ ကြိုတင်သိထားရမည့် အချက် အလက်များ ဖြစ်ပါ၏။
ဝိရတီသည် သမ္ပတ္တ၀ိရတီ သမာဒါန၀ိရတီ သမုစ္ဆေဒ၀ိရတီ - ဟူ သုံးမျိုးရှိ၏။သိက္ခာပုဒ် ဆောက် တည်မထားပဲ လွန်ကျူးဖွယ်အာရုံတွေ့မှ ရှောင်ကြဉ်မှုကို သမ္ပတ္တ၀ိရတီ ဟုခေါ်၏၊ (သီလကြို တင်ဆောက်တည် မထားသော်လည်း လွန်ကျူးဖွယ်အာရုံတွေ့ပါက “ မိမိတို့၏အမျိုးအနွယ်- မိမိ၏အသက်အရွယ် - မိမိ၏အကြားအမြင်ပြည့်ဝခြင်း ဗဟုသုတဂုဏ် ” စသည်တို့ကို ထောက် ၍ မကောင်းမှုမှ ရှောင်ကြဉ်ခြင်းသည် သမ္ပတ္တ၀ိရတီ မည်၏ )။
ယင်းနှင့်ပတ်သက်၍ ဖြစ်ပျက်ခဲ့သော အဖြစ်အပျက်လေးတစ်ခု တင်ပြလိုပါ၏၊သီဟိုဠ်ကျွန်း၌ စက္ကန တို့ သားအမိ သုံးယောက် နေထိုင်ကြ၏၊ တစ်နေ့ စက္ကန၏ မိခင်၌ ရောဂါတစ်မျိုးစွဲကပ် လာ၍ ကျွမ်းကျင်သော သမားတော် တစ်ဦးကိုပင့်၍ လူမမာအား ဆေးကုပေးဖို့ အပ်နှံ ကြ၏၊ထို အခါ သမားတော်ကြီးက ယုံသား လတ်လတ်ဆပ်ဆပ် လိုအပ်ကြောင်း ပြောလေ၏၊ထိုအခါအကို ကြီးက ညီဖြစ်သူ စက္ကနအား ယုံရှာရန် တောသို့ လွှတ်လိုက်၏။
အချိန်ကာလအားဖြင့်မိုးလရာသီဖြစ်၍ကောက်ပဲသီးနှံပင်ပျိုလေးများစိမ်းစိုနေ၏၊တောင်သူဦးကြီး
များသည် မိမိတို့စိုက်ပျိုးထားသော သီးပင်များကို ကြည့်ရင်း ကြည်နူးနေကြ၏၊ညီငယ် စက္ကန သည် လယ်တောသို့မကြာမကြာ ရောက်နေသူဖြစ်၏၊ ကောက်ပင်လေးများနုပျိုချိန်ဖြစ်၍ ယုံများ
လာရောက်စားသောက်တတ်ကြောင်း သူသိထား၏၊ ထို့ကြောင့် လယ်တောသို့ တန်းတန်းမတ် မတ် သူသွား၏၊ သူလယ်တောသို့အရောက်နှင့် ကောက်ပင်နုနုလေးများ စားရန်လာသော ယုံနှင့် တန်းတိုးတော့၏၊ယုံသည် သူ့ကို မြင်လိုက်၍ ကြောက်ကြောက်လန့်လန့်ဖြင့် ထွက်ပြေးရင်း နွယ်ကြိုးဖြင့် ငြိ၍ မိနေတော့၏၊ ဆက်မပြေးနိုင်တော့၊ ကြောက်လွန်း၍ “ ကိရိ ကိရိ ” ဟု အော်နေတော့၏၊
စက္ကနသည် ယုံအော်သံကြားရာသို့ သွား၍ ယုံလေးကို အလွယ်တကူပင် ဖမ်းယူလိုက်လေ၏ ယုံကလေး သည် ကြောက်လွန်း၍ အသားများ တဆပ်ဆပ်တုန်ကာ မျက်ရည်များပင် ဝေ့နေ လေပြီ၊ မိခင်အသက်ရှင် ရေးအတွက် ယုံလေးတော့ ရလေပြီ၊ သူ ၀မ်းသာနေ၏၊ အမေ့ ရောဂါ အတွက် ဆေးတလက်ကို သူ ရပြီး မဟုတ်ပါလား။
သူ ဆက်စဉ်းစားမှိပြန်၏၊ င့ါအမေ အသက်ရှင်ဖို့အတွက် ယုံလေးအသက်ကို စတေးမယ်ဆိုရင် သင့်တော်ပါ့မလား၊ သတ္တ၀ါတိုင်းဟာ သေမှာ ကြောက်ကြတယ်တဲ့၊ ယုံသတ္တ၀ါလေး၊ သူလည်း သေမှာ ကြောက်နေရှာတာပဲ၊ ကြည့်စမ်း အသားများ တဆပ်ဆပ်တုန်ပြီး မျက်ရည်များတောင် ဝေ့နေတယ်၊ သူ့မှားလည်း သူ့မိသားစု အသိုင်းအ၀ိုင်း ရှိနေမှာပဲလေ။
လူ့အသက်ဖြစ်ဖြစ် တိရစ္ဆာန်အသက်ဖြစ်ဖြစ် “ အသက် ” ဟာ အသက်ပဲလေ၊ အသက်တိုင်းဟာ တန်ဖိုးးရှိတာချည်းပဲ၊ င့ါအမေ အသက်ရှည်သန်ဖို့အတွက် ယုံလေးအသက်ကို ပေးဆပ်ရမယ် ဆိုရင် သဘာဝမကျတဲ့ လုပ်ရပ်ပဲ၊သဘာဝကို ဆန့်ကျင်ရင် သဘာဝရဲ့ ဒါဏ်ခတ်ခြင်းကို မည်သူ မဆို မလွဲမသွေ ခံရမှာပဲလေ၊ သဘာဝတရားဟာ မတရားတာ မရှိဘူး၊ တူညီတဲ့ တုန့်ပြန်မှုကို သူက ပြန်ပြီး ပေးတတ်စမြဲပဲ။ ငါ ယုံကလေးကို သတ်လိုက်မယ် ဆိုရင် သူ့ရဲ့ သက်တမ်းစေ့ “အသက် ရှင်သန်ခွင့် ” အခွင့်အရေးကို ချိုးဖဲ့ပစ်လိုက်တာနဲ့ အတူတူပဲ။သူ့ရဲ့ ရှင်သန်ခွင့်အတိုင်း သူရှင်သန်ပါစေ၊ သူ့အခွင့်အရေးကို ငါ ဘယ်တော့မှ မဖျက်ဆီးတော့ဘူး။ သူသည် အသက် ရှိချင်း စာနာစိတ်ကို ကောင်းစွာ အကောင်အထည်ဖေါ်လိုက်ပေပြီ။
မြဲစွာ ဆုပ်ကိုင်ထားသောသူ့လက်ချောင်းလေးများသည် တဖြည်းဖြည့် လျှော့သွား၏၊ ကြမ်းတမ်း သော လက်ချောင်းများသည် ပျော့ပျောင်းသည့် အကြင်နာလက်ချောင်းလေးများ အဖြစ် ပြောင်းလဲ သွားပေပြီ၊
ယုံကလေးသည် သူ့လက်မှ ခုန်၍ တဟုန်ထိုး ပြေးသွား၏၊မလှမ်း မကမ်းရောက်တော့ လည်ပြန် ကလေး စက္ကနကို ပြန်ကြည့်နေ၏၊ မျက်ဝန်းမှာ မျက်ရည်စများနှင့်၊ သို့သော် ယခုကျနေသော မျက်ရည်စများမှာ ၀မ်းသာမှုကြောင့် ကျသော မျက်ရည်စ များ ဖြစ်၏၊ ယုံကလေး၏ ၀မ်းသာ မျက်ရည်၊ သေမင်းမှ လွတ်မြောက်ခွင့်ရသူ မည်သူ မဆို ၀မ်းမသာပဲ နေနိုင်ပါအံ့နည်း၊ သူ၏ မျက်ဝန်းများမှ စက္ကနကို ကျေးဇူးတင်ပါသည်ဟု မပြောသော်လည်း ပြောနေသည့်နှယ်၊
စက္ကနသည် စိတ်ထဲမှ ဆုတောင်းပေးနေ၏၊ အေးမြကြည်လင်သော စမ်းရေးလေးကို စိတ်တိုင်း ကြသောက်၊လတ်ဆပ်သော မြက်သစ်ရွက်နုလေးများကိုအားပါးတရစား၊ အေးမြသော လေညှင်း လေးများကို တ၀ကြီး ရှုရှိုက်ရင်း မိသားစုအသိုင်းအ၀ိုင်းနှင့် ထာဝရပျော်ရွှင်စွာနေနိုင်ပါစေဟု။
စက္ကန၏ အိမ်အပြန်ခရီးသည် လက်ချည်းဗလာ၊ သို့သော် နှလုံးသားမှာတော့ အကြင်နာ (ကရုဏာ) ဘာဝနာတရားလည်း ပါလာပါ၏၊သူ့သက်သတ်မှုမှ ရှောင်ကြဉ်ခြင်း သီလတရား လည်း ပါလာ၏၊ ဘေးမဲ့အလှူ အဘယဒါနလည်း ပါလာပါ၏၊။
လက်ထဲဘာမှ မပါ၊ ဗလာချည်း ပြန်လာသော ညီငယ် စက္ကနကို အကိုကြီးက မေးမြန်း၏၊ ဘယ် မှာလဲ“ ယုံ ” ။ စက္ကသည် ဖြစ်ကြောင်းကုန်စင် အကိုကြီးကို ပြန်ပြောပြ၏၊ အကိုကြီး၏ မျက်နှာ သည် မဲ့ရာမှ မှောင်လာတော့၏၊ ထို့နောက်တော့ အမေ့အသက်ထက် မင့်က ယုံအသက်ကို တန်ဘိုးထားတဲ့ လူ သူတော်ကောင်းကြီးပေါ့လေ.. လူနှင့်ယုံ တန်းတူထား၍ သူ့ညီကို ဒေါသ ထွက်နေ၏၊ ထို့နောက်တော့ ပါးစပ်မှ တတွတ်တွတ် ကြိမ်းမောင်းနေတော့၏၊
စက္ကနသည် မိခင်အနား ကပ်သွား၏၊ မိခင်၏ မျက်နှာကို သေချာစွာ စိုက်ကြည့်၏၊ သားသမီးတို့ အပေါ် အမြဲတန်း ဗြဟ္မစိုရ်တရား ပွါးနေတဲ့ သားသမီးတို့ရဲ့ “ ဗြဟ္မာ ” ကြီးပါတကား။ ထို့နောက်တော့ သူ၏ အတိတ်ကို ပြန်ကြည့်၏၊ သေသေချာချာ တွေးကြည့်၏၊သူသည် လူမှန်း သူမှန်း သိတတ်သည့် အရွယ်မှစ၍ ယနေ့ချိန်ထိ သက်ရှိ သတ္တ၀ါ တစ်ကောင် တလေမျှ သတ်ဘူးသည်ဟူ၍ မရှိခဲ့ပေ။ငါ့အတွက် ငါ့အမေအတွက် သစ္စာမှတစ်ပါး အခြားမရှိပြီ၊
စက္ကနသည် မျက်လုံးအစုံကို မှိတ်လိုက်၏၊ ထို့နောက်တော့ အတိတ်ကို အာရုံပြု၍ “ မိမိသည် မွေးဖွါး သည်မှ စ၍ ယနေ့အချိန်ထိ ယခုသစ္စာပြုနေသည့်အချိန်အထိ စေတနာဖြင့် စေ့ဆော် ၍မည်သည့် သက်ရှိကိုမျှ သတ်မှိသည်ဟူ၍ မရှိစဘူးပါ မသိဘူးပါ ” ကျွန်ုပ်၏ ဤမှန်ကန် သောသစ္စာစကားကြောင့် မိခင်ကြီး၏ ရောဂါသည် ပျောက်ကင်းပါစေသတည်း။
စက္ကန၏ သစ္စာစကား ဆုံးသည်နှင့်တပြိုင်နက် မိခင်ကြီး၏ ရောဂါဝေဒနာသည် ပိန်းကြာဖက်ပြင် ရေမတင်လျှော့ကျဘိသကဲ့သို့ အမြတ်ပြတ် ပျောက်ကင်းသွားတော့၏။ မိခင်ကြီးသည် လျှောင်းနေရာမှ ထရပ်လိုက်၏၊ ထို့နောက်တော့ သားငယ် စက္ကန၏နဖူးပြင်ကို ညင်သာစွာ နမ်းလိုက်၏၊ စွမ်းလိုက်တဲ့ ငါးသားလေးရဲ့ “ ၀ိရတီ - သစ္စာ ” ပါလားကွယ်၊ စက္ကနသည် ပြုံးနေ၏။ မိခင်အတွက် သူ၏ သစ္စာလက်နက်သည် ဆေးတစ်စက် ဖြစ်သွားခဲ့သည် ဖြစ်သွားခဲ့ပြီ မဟုတ်ပါလား။
ကောင်းသစ်
No comments:
Post a Comment