သူတို့ အားလုံး ရှာပုံတော်ခရီးကို စိတ်လျှော့လိုက်ကြတော့၏။ သူတို့သည် ပိုက်စိပ်တိုက် လူစုခွဲ၍ သောရေ ယျ သွားတတ်သည့် ရောက်တတ်သည့် နေရာအစုံကို ရှာဖွေပြီးလေပြီ၊ အကယ်၍ ဤဒေသမှာ ရှိလျှင် မလွဲ မသွေ တွေ့ကို တွေ့ရမည်ဖြစ်၏၊ ယခုသော်ကား အရိပ်အယောင်မျှပင် မတွေ့သတင်းအစ အနပင် မကြား ရတော့၊သူ သားလေး သခင်လေး ရေနစ်၍ သေဆုံးသွားတာပဲ ဖြစ်ရမယ်၊ဤသို့ သူတို့အားလုံး ကောက် ချက် ချလိုက်တော့၏၊ ထို့နောက်တော့ (အကယ်၍ မကောင်းသော ဘုံဘ၀ရောက်ခဲ့ ငြားအံ့၊ ထိုဘ၀မှ လွတ် မြောက်၍ ဂတိကောင်း ဘ၀ကောင်းသို့ ပြောင်းနိုင်ရန်အတွက် ) သေသူ ရည်စူးပြုသည့် မတကဘတ် သက်ပျောက် ဆွမ်းကို ဆက်ကပ်၍ အမျှအတန်းပေးဝေကြလေ၏၊
သောရေယျသည် ရှက်ရှက်ဖြင့် ချေဦးတည်ရာသို့ လျှောက်လာရာ တက္ကသိုလ်သွားမည့် လမ်းမကြီးပေါ်သို့ ရောက်မှန်းမသိ ရောက်သွားတော့၏၊ သူ့ရှေ့၌ တက္ကသိုလ်သို့ ဦးတည်မောင်း နေသော ကုန်သည်လှည်း လေး တစ်စီးတွေ့မြင်နေ့ရ၏၊ သူ့အတွက် အဖေါ်ရသွားခြင်းဖြစ်၏၊ ထို့ကြောင့် သူမသည် လှည်းနောက်မှ ခပ် တည်တည်ဖြင့် လိုက်သွားတော့၏၊
လှည်းပေါ်ရှိ လူများမှ သူမ ကြားလောက်အောင် သူတို့ချင်း ပြောနေကြ၏၊ ငါတို့ လှည်းနောက်က တကောက်ကောက်လိုက်လာတာ ဘယ်သူ၏ သမီးလဲ မသိဘူးဟု ဘယ်များ သွားမလို့ပါလိမ့်၊အိမ်ကများ ထွက်ပြေး လာတာလား မသိ -စသည်စသည်ဖြင့် ပြောဆိုနေကြခြင်း ဖြစ်၏၊ကိုယ့်လှည်းကိုပဲ မောင်းပါ၊ကျမခြေကျင်ပဲ လိုက်ပါ့မယ်ဟု သူမ ပြန်ပြောလိုက်၏၊ သို့သော် သူမသည် သူဌေးသားဖြစ်စဉ် မြစ်ဆိပ်သော်မှ ခြေလျှင် သွားဘူးသူ မဟုတ်၊ ခရီးရှည်သော ဒီလမ်းဒီခရီး ဘယ်မှာသွားနိုင်ပါမည်နည်း၊ဟန်လုပ်၍ သွားနေ ရခြင်း ဖြစ်၏၊ သို့သော် သူမသည် ကြာကြာ ဟန်မလုပ်နိုင်တော့၊ချေနာ လူပန်း စိတ်များလည်း ( ဦးတည်ရာမဲ့ လျှောက်လာရ ခြင်းဖြစ်၍) နွမ်းလာလေပြီ၊ ထို့ကြောင့် လက်မှ လက်စွပ်ကို ချွတ်ပေး၍ လှည်းပေါ် တစ်နေရာမှ လိုက်ပါခွင့်ပြုရန်တောင်းပန်လေ၏၊နောင်ခါလာ နောင်ခါဈေး ပွဲစဉ်ကြည့်၍ က.ရ ပေတော့မည်။
သူတို့ ခွင့်ပြုလိုက်ကြ၏၊ သူမကို ကြည့်၍ သူတို့ ခွင်ဖန်ရန် စဉ်းစားနေကြ၏၊ တက္ကသိုလ်ပြည်က ငါတို့ သူဌေးသားဟာ လူပျိုကြီးပဲ ရှိသေးတယ်။ သူ့မှာ ဘ၀လက်တွဲပေါ် ကြင်နာစရာ ကြင်ယာ မရှိသေးဘူး၊ အဲဒီ တော့ သူမကို သူ့ကို အပ်နှံလိုက်လို့ ရှိရင် ငါတို့အတွက် ငွေရပေါက်ပဲ၊ ငါတို့ကို ကျေးဇူးတုန့်ပြန်သည့် အနေ နှင့် လက်ဆောင်တွေ သေချာပေါက် သူ ပြန်ပေးမှာပဲ၊ အဲဒီတော့ သူမနှင့်ပါတ်သက်ပြီး အဖိုး တန်လက်စွပ် လည်းရ လက်ဆောင်လည်းရ နှစ်ဖက်ရ ပွပေါက်ပဲဟု စဉ်းစားနေကြ၏၊သူတို့အတွက်တော့ မုတ်ဆိပ် ပျားစွဲခြင်း ဖြစ်သွားတော့၏။
သခင်လေး သခင်လေးအတွက် ကျနော်တို့ အမျိုးသမီးရတနာ လက်ဆောင်ပါပါတယ်ဟု အားရ၀မ်းသာ ပြောပြကြ၏၊ သူမ၏ ချောပုံလှပုံ စာဖွဲ့မကုန်နိုင်လောက်အောင် ချီးမွမ်းခန်း ဖွင့်၍ ပြောဆိုနေကြခြင်းဖြစ်၏၊ တစ်သက်လုံး လူပျိုကြီးဘ၀ဖြင့် အရိုးထုတ်ဖို့ စိတ်ကူးထားသော သူဌေးသားလူပျိုကြီးသည် သူတို့၏ ပိုပိုသာသာ ချီးမွမ်းခန်းဖွင့်သံကြောင့် အမျိုးသမီးကို သူနား ခေါ်ခဲ့ဖို့ ပြော လိုက်၏၊သူတို့ ခေါ်ဆောင်၍ သူနား ထိုင်ခိုင်းလိုက်၏၊
သူဌေးသားသည် အရွယ်တူ ရုပ်ချောလေးဖြစ်၍ သဘောကျသွား၏ မြင်မြင်ချင်း သံယောဇဉ် တွယ်သွား ခြင်းဖြစ်၏၊ထို့ကြောင့် သူမကို ကြင်နာဖေါ် ကြင်ယာအဖြစ် အသိအမှတ်ပြုကာ အိမ်ထောင်တာဝန်ကို အပ် နှင်း လိုက်လေတော့၏၊ သောရေယျသည် ထိုအချိန်မှစ၍ အိမ်ထောင်ရှင်မ ဖြစ်သွားတော့၏။
( အမျိုးသမီး မဖြစ်ဘူးသော အမျိုးသားသည် မရှိသလို အမျိုးသား မဖြစ်ဘူးသော အမျိုးသမီး သည်လည်း မရှိပေ၊ အမျိုးသားတို့သည် ကာမေသုကြောင့် ငရဲ၌နှစ်ပေါင်းများစွာ ဆင်းရဲဝေဒနာ ခံစားရပြီး လူ့အဖြစ်သို့ရောက်သောအခါ အမျိုးသမီးဘ၀ ဖြစ်ရတတ်၏၊ အမျိုးသမီးတို့သည် မိမိတို့ဘ၀ နှစ်သက်သာယာနေ သောကြောင့် အမျိုးသမီးဘ၀၌ ထပ်ခါ ထပ်ခါ ဖြစ်ရတတ်၏၊ အမျိုးသမီးတို့သည် အမျိုးသားအဖြစ်ကို အလိုရှိလျှင် လက်ရှိဘ၀ကို မတွယ်တာပဲ ကုသိုလ် ပြုတိုင်းဤကောင်းမှုကြောင့် အမျိုးသားဘ၀ ရ ရပါ စေသတည်းဟု ဆုတောင်း၍လည်း အမျိုး သားဘ၀ ရရှိနိုင်ပါ၏၊ အိမ်ထောင်ရှင်အမျိုးသားကို ရိုသေစွာပြုစု လုပ်ကျွေးခြင်းဖြင့်လည်း အမျိုး သားဘ၀ကို ရရှိနိုင်ပါ၏၊ ဤကား ကြားညှပ်၍ ဗဟုသုတဖြစ်ဖွယ် တင်ပြ ခြင်းဖြစ်ပါ၏။) သူဌေးသား သောရေယျသည်ကား ရဟန္တာဖြစ်သော အရှင်ကစ္စည်း မထေရ် မြတ်အပေါ်၌ မဖွယ်မရာ ကြံစည်ပြစ်မှားသည့် အကုသိုလ်ကံကြောင့် နောက်ဘ၀မဆိုင်း ဤဘ၀မှာပင် အမျိုးသမီးဘ၀ပြောင်းလဲသွားရ၏၊ အပြစ်မှားခံ ပုဂ္ဂိုလ်သည် သီလရှိ ရှိသလောက် ပြစ်မှားသူမှာ အပြစ်ကြီး၏၊
သူမသည် တစ်မြို့တစ်နယ်ဖြစ်သော တက္ကသိုလ်ပြည်မှာ နေထိုင်လာရာ သားလေးပင် ဖွါးမြင်၍ လာပေပြီ၊ ယခင်က သားတို့၏ ဖခင်ဖြစ်ခဲ့သော သူမသည် ယခုအခါမှာတော့ သားတို့၏ မိခင် ဖြစ်ရပြန်လေပြီ။ မိခင် များသည် ရင်သွေးနှင့်ပါတ်သက်၍ ဖခင်ထက်ပို၍ ဂရုစိုက်ရကြောင်းကို သူမဘ၀နှင့်ရင်း၍ သိခွင့် ရလိုက် ပေပြီ၊ ရင်သွေး မိမိဝမ်းမှာ သန္ဓေခသည် ဆိုကထဲက အနေ အထိုင်အသွားအလာ အစားအသောက် အားလုံး သတိထားနေရတော့၏၊ ဤသည်မှာ မမြင် ရသေးသည့်ရင်သွေးအတွက် မိခင်တစ်ယောက်၏ ဖခင် တစ်ဦးထက် ပိုသော ကြောင့်ကြစိုက် ရမှုပင်ဖြစ်၏။ရင်သွေးလေး ဖွါးလာပြီ ဆိုပြန်တော့ ကလေး မျက်နှာ ကလေး အမူအရာ အရိပ် တကြည့်ကြည့်နှင့်နေရ၏၊ မှက်ခြင်ယင် ကြမ်းပိုး မသမ်းရ မကပ်ရ မကိုက်ရအောင် သတိထား၍ နေ့နေ့ညည စောင့် ရှောက်နေရတော့၏၊ နို့ချိုတိုက်ကျွေးရ၏ အညစ်အကြေး မရွံမရှာ သုတ် သင်ရှင်းလင်းပေးရ၏၊ ရင်သွေးလေး၏အပြုံးသည် မိခင်အတွက် လမင်းတစ်ရာ သာသည်ထက် ချမ်းမြေ့ လှပါ၏၊ ရင်သွေးလေး၏ရယ်သွေးသံသည် ဂီတသံစင်အားလုံးတို့ထက် နားဝင်ချို လှပါ၏၊ မိခင်တစ် ယောက်၏ ရင်သွေး အပေါ် ထားရှိသော အံ့သြဖွယ် မေတ္တာတရားကြောင့် အနီရောင် သွေးမှသည် အဖြူ ရောင် ချိုမြိန်သည့် နို့ရည်အဖြစ်ပြောင်း လွဲသွားတော့၏။ ထို့ကြောင့် မိခင်သည် ရင်သွေး ရတနာ သားသမီး အများအတွက် အစားထိုးမရသော အနန္တဂိုဏ်းဝင် ကျေးဇူးရှင် ဖြစ်လာရ၏၊
မေတ္တာတရားကို ဖွင့်ဆိုသော မေတ္တသုတ်၌လည်း မာတာယထာ - ဟု သားသမီးအပေါ် ထားသော မိခင်ကဲ့ သို့ လောကအပေါ် မေတ္တာစိတ်ထားရမည်ဟု မိခင်မေတ္တာကိုတင်စား၍ ရှင်တော်ဘုရားပင် ဟောထား တော် မူခဲ့ပါ၏။
သူမသည် ပထမရင်သွေးလေး မိဘအကူအညီမပါပဲ ကိုယ့်ဘာသာ သွားနိုင်သည့် အရွယ်သို့ ရောက်သော အခါ ဒုတိယရင်သွေးလေးကို ၀မ်းကြာတိုက်မှာ ထပ်မံ၍ လွယ်ထားရပြန်၏။ ကိုးလ လွယ် ဆယ်လစေ့ ရက် စေ့ လပြည့်ရောက်ပြန်တော့ ဒုတိယ သားရတနာလေးကို ဖွါးမြင်ပြန်၏၊ ဤသို့ဖြင့် သူမသည် ယခင် အမျိုး သားဘ၀က ကြင်ယာနှင့် သားနှစ်ယောက်၊ ယခု အမျိုးသမီး ဘ၀၌ ကြင်ဖက်နှင့် သားနှစ်ယောက် စုစုပေါင်း ရင်းသွေး သားရတနာ လေးယောက် ဖွါးမြင်သော ထူးဆန်းသည့် သူ ဖြစ်သွားရ၏၊
တစ်နေ့ သူမသည် လေသာပြတွင်းပေါက်လေး ဖွင့် လေးညှင်ခံကာ အပြင်ရှုခင်းများကို ကြည့်နေ၏ ထိုစဉ် အမှတ်မထင်သော သူကို သူမ တွေ့မြင်လိုက်ရ၏၊ သူမ၏ စိတ်သည် အတိတ်ဆီသို့ တရိပ်ရိပ် ပြန်သွား နေ လေပြီး၊မေ့နေသော အတိတ်သည် ပြန်ပြောင်း အောက်မေ့ဖွယ်ရာ အရိပ်များအဖြစ် သူ့စိတ်အစဉ် သူ့နှလုံး သားမှာ တိမ်တိုက်လေးများ ပြေးသွားနေသလို ဆင့်ကဲဆင့်ကဲ ပေါ်လာနေတော့၏။ အော် အတိတ် အရိပ် ဖျောက်ဖျက်၍ မရနိုင်ပါလားကွယ်၊ သူမထံမှ တိုးညှင်းစွာ ထွက်လာသော လွမ်းမောကြေကွဲဖွယ် အသံ လေးကို သူ့နှလုံးသားမှတစ်ပါး မည်သူ့နားမှ ကြားနိုင်မည် မဟုတ်ချေတကား။
ကောင်းသစ်
No comments:
Post a Comment